19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Նյու Յորքի կենտրոնում զինված տղամարդը կրակ է բացել, սպանել 4 մարդու և ինքնասպանություն գործել
Քաղաքականություն
29.07.2025 | 13:34
M4 ինքնաձիգով զինված անձը կրակ է բացել Մանհեթենի գրասենյակային շենքերից մեկում։ Euronews-ի հաղորդմամբ՝ առնվազն չորս մարդ, այդ թվում՝ ծառայության մեջ չգտնվող մի ոստիկան, զոհվել են։ Կասկածյալը Լաս Վեգասի բնակիչ Շեյն Թամուրան է, որն ըստ ոստիկանության, ինքնասպան է եղել։
Թամուրան ինքնաձիգով շենք է մտել և անմիջապես կրակ բացել՝ սպանելով մեկ ոստիկանի և երկու տղամարդու, ինչպես նաև ծանր վիրավորելով մեկ մարդու։ Այնուհետև նա բարձրացել է այն հարկը, որտեղ գտնվում է Ruden Building Management-ի գրասենյակը և սպանել մի կնոջ։
Այնուհետև Թամուրան վերադարձել է շենքի նախասրահ և ինքնասպան է եղել: 27-ամյա է տղամարդն ունեցել է գաղտնի զենք կրելու թույլտվություն։ Այս մասին ասել է Նյու Յորքի ոստիկանության կոմիսար Ջեսիկա Թիշը՝ ընդգծելով որ նա ունեցել է հոգեկան խնդիրներ։
Երկնաքերը, որտեղ տեղի է ունեցել ողբերգությունը, գտնվում է կենտրոնական այգուց մի քանի թաղամաս հեռավորության վրա։
Այնտեղ են գտնվում երկրի առաջատար ֆինանսական ընկերությունների, այդ թվում՝ Blackstone-ի և KPMG-ի գրասենյակները, Իռլանդիայի հյուպատոսությունը և Ազգային ֆուտբոլային լիգայի շտաբ գրասենյակը։
Թարգմանությունը՝ Էմմա Չոբանյանի
