06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Ուկրաինական «Նավթոգազ»-ը SOCAR-ի հետ ադրբեջանական գազի գնման առաջին համաձայնագիրն է ստորագրել
Քաղաքականություն
28.07.2025 | 13:34
Ուկրաինական «Նաֆթոգազ» ընկերությունների խումբն առաջին համաձայնագիրն է ստորագրել Ադրբեջանի SOCAR խմբի անդամ SOCAR Energy Ukraine-ի հետ՝ ադրբեջանական բնական գազ գնելու վերաբերյալ։ Այս մասին հայտնում են ադրբեջանական լրատվամիջոցները՝ վկայակոչելով «Նաֆթոգազ»-ի հայտարարությունը։
«Սա ծավալով փոքր, բայց ռազմավարական առումով կարևոր քայլ է, որը բացում է երկարաժամկետ համագործակցության ճանապարհը։ Սա նաև մատակարարման աղբյուրների դիվերսիֆիկացման և Ուկրաինայի էներգետիկ անվտանգության ամրապնդման ևս մեկ օրինակ է»,- մեկնաբանել է «Նաֆթոգազի» գործադիր տնօրեն Սերգեյ Կորեցկին գործարքը։
Ընկերությունը նշում է, որ առաջին անգամ ադրբեջանական գազի փորձնական մատակարարում է իրականացվում Բուլղարիա-Ռումինիա-Ուկրաինա միջանցքի Տրանսբալկանյան երթուղով։
Հավելենք, որ հունիսի սկզբին SOCAR-ը բազմամյա պայմանագիր էր կնքել գերմանական պետական SEFE ընկերության հետ՝ տարեկան 1,5 միլիարդ խորանարդ մետր մատակարարման համար։ 2024 թվականին Ադրբեջանը Եվրոպա է արտահանել 12,9 միլիարդ խորանարդ մետր գազ։
Թարգմանությունը՝ Էմմա Չոբանյանի
