16.07.2026 | 18:35
Վահագն Խաչատուրյանն ընդունել է Հայաստանում Ղազախստանի դեսպան Բոլատ Իմանբաևին
Հունաստանում մոլեգնում են անտառային հրդեհները, իշխանությունները տարհանում են Աթենքի մերձակայքի բնակիչներին
Քաղաքականություն
27.07.2025 | 16:58
Հունաստանում միաժամանակ բռնկվել են հինգ խոշոր անտառային հրդեհներ, և իշխանությունները տարհանում են բնակիչներին Աթենքից ընդամենը 30 կմ հյուսիս գտնվող ծանր տուժած շրջաններից։ Երկիրը դիմել է Եվրոպական միությանը՝ կրակի դեմ պայքարելու օգնություն ստանալու համար, հայտնում է BBC-ի ռուսական ծառայությունը։
Իրավիճակը բարդացնում է ուժեղ շոգը։ Կիրակի օրը օդի ջերմաստիճանը կարող է հասնել մինչև 44°C, և սպասվում է, որ այս ծայրահեղ շոգը կշարունակվի գրեթե ամբողջ հանգստյան օրերին։
«Կան վիրավորված հրշեջներ, մարդկանց կյանքը վտանգված է, այրվել են ունեցվածքներ, ոչնչացվել են անտառային տարածքներ»,-հայտարարել է Հունաստանի կլիմայական ճգնաժամերի և քաղաքացիական պաշտպանության նախարար Յանիս Կեֆալոյանիսը։
Ուժեղ քամին ու շոգը նպաստում են կրակի տարածմանը։ Հունաստանը պաշտոնապես դիմել է ԵՄ Քաղաքացիական պաշտպանության մեխանիզմին՝ լրացուցիչ վեց հրշեջ ինքնաթիռ տրամադրելու խնդրանքով։
Ատտիկա շրջանում, որտեղ գտնվում է նաև Աթենքը, շաբաթ օրը սկսված հրդեհը արագորեն տարածվել է Դրոսոպիգի, Կրիոների և Աղիոս Ստեֆանոս բնակավայրեր, ստիպելով բնակիչներին փախուստի դիմել։
