31.07.2026 | 11:15
Բաքվում կայացած ըմբշամարտի մինչև 17 տարեկանների աշխարհի առաջնության արդյունքների ամփոփում. ՈՒՂԻՂ
Հունիսին արձանագրվել է նոր պատմական ռեկորդ․ Նիկոլ Փաշինյան
Տնտեսություն
26.07.2025 | 14:41
Հունիսին արձանագրվել է ՀՀ-ում գրանցված աշխատատեղերի նոր պատմական ռեկորդ՝ 714 հազար 586 աշխատատեղ, իսկ տնտեսական ակտիվության ցուցանիշը կազմել է 8.6 տոկոս։ Այս մասին հայտնում է վարչապետ Նիկոլ Փաշինյանը։
«Սիրում եմ քեզ՝ Հայաստանի Հանրապետության աշխատող, արդյունք ստեղծող, պետությունդ շենացնող ժողովուրդ»,-նշել է նա։
Ավելի վաղ Կառավարությունից հայտնել են, որ դիտարկվող ժամանակահատվածում նախորդ տարվա համեմատ տնտեսության ճյուղերն աճել են հետևյալ կերպ.
- շինարարություն՝ 22.6%,
- ծառայություններ՝ 8.2%,
- առևտրի շրջանառություն՝ 2.8%,
Արդյունաբերության ծավալները նվազել են 1.2%-ով։
2025թ. հունիսին նախորդ տարվա նույն ամսվա համեմատ ՀՀ արտաքին առևտրաշրջանառությունը նվազել է 16.6%-ով. արտահանումը նվազել է 15.9%-ով, իսկ ներմուծումը՝ 17.1%-ով:
Դիտարկվող ժամանակահատվածում նախորդ տարվա համեմատ ՀՀ սպառողական շուկայում գնաճը կազմել է 3.9%։
