07.09.2026 | 22:24
Հայաստանի մի շարք հասցեներում էլեկտրաէներգիայի անջատումներ կլինեն
Մոսկվայում ուժայինները խուզարկություններ են անցկացնում ադրբեջանցի հայտնի գործարարի ընկերությունում
Քաղաքականություն
25.07.2025 | 19:36
Ռուսաստանում խուզարկություններ են սկսվել «Railgo» ընկերության գրասենյակում, որը պատկանում է ադրբեջանցի գործարար Ռահման Խալիլովին, գրում են ադրբեջանական լրատվամիջոցները։
Նշվում է, որ Լուժնիկիում գտնվող ընկերության գրասենյակ են ժամանել հատուկ նշանակության ուժեր և քննիչներ, որոնք առգրավել են փաստաթղթեր։ Նրանք թույլ չտվել աշխատակիցներին դուրս գալ շենքից։
Ընկերությունը Սև ծովով նավթ և նավթամթերք է տեղափոխում։ Railgo-ի կողմից տեղափոխվող նավթի մի մասը պատկանում է Ադրբեջանին։
Հավելենք, որ Ռահման Խալիլովը հայտնի ադրբեջանցի օլիգարխ Իսկենդեր Խալիլովի որդին է։
Բաքվի ու Մոսկվայի միջև հարաբերությունների լարվածության պայմաններում ՌԴ-ի տարբեր քաղաքներում հաճախակիացել են ադրբեջանցիների ձերբակալությունները։
Հարաբերությունները սրվել են այն բանից հետո, երբ հունիսի 27-ին Եկատերինբուրգում ձերբակալվել էր ադրբեջանական ծագում ունեցող ավելի քան 50 անձ։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։ Բաքուն պահանջում է պատասխանատվության ենթարկել մեղավորներին։
Ռուսաստանի անվտանգության ուժերի գործողություններին ի պատասխան՝ Ադրբեջանի իշխանությունները Բաքվում ձերբակալել և ծեծի են ենթարկել 10-ից ավելի ռուսների, խուզարկություններ են անցկացրել «Sputnik Ադրբեջանի» խմբագրությունում և կալանավորել խմբագրության երկու անդամի։
Թարգմանությունը՝ Էմմա Չոբանյանի
