29.04.2026 | 13:10
Իրավասություն չունեմ գնահատական տալու․ Վարդապետյանը` Գարեգին Բ-ին հեռացնելու ՔՊ ծրագրի մասին․ ՏԵՍԱՆՅՈՒԹ
Աջակցել ենք գործով․ Ադրբեջանում Իսրայելի դեսպանը՝ Արցախ այցի մասին
Քաղաքականություն
25.07.2025 | 20:59
Ինձ համար պատիվ էր լինել «ազատագրված տարածքներ» (նկատի ունի Արցախը) այցելած Իսրայելի առաջին դեսպանը։ Ադրբեջանական լրատվամիջոցների հաղորդմամբ՝ այս մասին հայտարարել է Բաքվում Իսրայելի դեսպան Ջորջ Դիքը Ադրբեջանում իր գործունեության արդյունքներին նվիրված մամուլի ասուլիսում:
«44-օրյա պատերազմի ընթացքում Ղարաբաղի ազատագրման շնորհիվ յուրաքանչյուր ադրբեջանցի այսօր կարող է կրկին քայլել Ղարաբաղի հողով՝ Շուշայից մինչև Լաչին։ Ինձ համար պատիվ էր լինել առաջին Իսրայելի դեսպանը, որն այցելել է Շուշի և ականատես եղել նրա շքեղությանը, տեսել Ֆիզուլիի ավերակները, Քելբաջարի Իստիսուի բուժիչ ջրերը, Աղդամի վերականգնումը, Զանգելանի հրաշալի գեղատեսիլ Աղալի գյուղը և Լաչինի շունչ կտրող բլուրները»,- հայտարարլ է նա։
Դեսպանը երկու երկրների հարաբերությունները ռազմավարական գործընկերություն է որակել՝ հավելելով, որ վերջին վեց տարիների ընթացքում դրանք հասել են նոր բարձունքների։ Ըստ նրա՝ Ադրբեջանի և Իսրայելի միջև համագործակցությունը կարող է վերածվել տարածաշրջանային ուժի և Ադրբեջանը կարող է և արդեն խաղում է կարևոր դեր Մերձավոր Արևելքի տարածաշրջանում։
Ջորջ Դիքը նաև նշել է, որ Ադրբեջանի մասնակցությունը Աբրահամի համաձայնագրերին, Իսրայելի և այլ երկրների միջև միջնորդությունը և բանակցությունները խորհրդանշում է այն հեղինակությունը, որը Բաքուն ունի տարածաշրջանում՝ բարելավելով կողմերի միջև հարաբերությունները։
Ջորջ Դիքն ավարտում է Բաքվում իր աշխատանքը։
Թարգմանությունը՝ Էմմա Չոբանյանի
