14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ներքին Գետաշեն գյուղի բնակչի հողամասից կանեփի 1265 բույս է հայտնաբերվել
25.07.2025 | 13:41
Հուլիսի 21-ին Համայնքային ոստիկանության Մարտունու բաժնում ստացվել էր օպերատիվ տեղեկություն, որ Ներքին Գետաշեն գյուղի բնակիչ 33-ամյա տղամարդը տնամերձ հողամասում աճեցրել է կանեփ։ Այս մասին հաղորդում է ՆԳՆ ոստիկանությունը։
Նշվում է, որ Մարտունու քննչական բաժնում նախաձեռնվել է քրեական վարույթ, որի շրջանակում հուլիսի 22-ին կատարված զննությամբ 33-ամյա տղամարդու հողամասում հայտնաբերվել է կանեփի 1265 բույս:
«Դրանք արմատախիլ են արվել և ուղարկվել փորձաքննության։ Հանգամանքները նախաքննությամբ պարզվում են»,- գրված է ոստիկանության տարածած հաղորդագրության մեջ:
