06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Վահագն Խաչատուրյանը և Արա Խզմալյանը քննարկել են Հանրային խորհրդի ծրագրերը
Քաղաքականություն
24.07.2025 | 19:44
Հանրապետության նախագահ Վահագն Խաչատուրյանն ընդունել է Հանրային խորհրդի նախագահ Արա Խզմալյանին։ Այս մասին տեղեկացնում են նախագահի աշխաըակազմից։
«Նախագահը, կարևորելով հասարակության և իշխանության միջև կապի ամրապնդման գործում Հանրային խորհրդի դերակատարումը, նշել է, որ անհրաժեշտ է առավելագույնս օգտագործել այդ ինստիտուտի ներուժը՝ ընդլայնելով դրա կարողությունները, մեծացնելով ազդեցությունն ու հանրային տեսանելիությունը։ Նախագահի համոզմամբ՝ Հանրային խորհուրդը պետք է դառնա բաց, ընդգրկուն քննարկումների հարթակ՝ հանրությանը հուզող հարցերը բարձրաձայնելու և անհրաժեշտ երկխոսության ձևավորմանը նպաստելու համար։
Վահագն Խաչատուրյանը բարձր է գնահատել Արա Խզմալյանի փորձառությունն ու մասնագիտական կարողությունները՝ ընդգծելով, որ խորհրդի անդամներն իրենց հեղինակությամբ կարող են նպաստել հասարակական կարևոր հարցերի բարձրաձայնմանը։
Արա Խզմալյանը շնորհակալություն է հայտնել հանդիպման հնարավորության համար և ներկայացրել է խորհրդի առաջիկա անելիքներն ու գործունեության առաջնահերթությունները։
Հանդիպման ընթացքում քննարկվել են Հանրային խորհրդի ծրագրերը և հասարակական ներգրավվածության բարձրացման հնարավոր ուղիները»,- ասված է հաղո։
