20.08.2026 | 23:01
«Նոան» նոր գլխավոր մարզիչ ունի
Ով կարող է լինել կաթողիկոսի թեկնածու․ Մայր Աթոռից արձագանքում են Փաշինյանին. ՏԵՍԱՆՅՈՒԹ
Քաղաքականություն
24.07.2025 | 21:15
Գարեգին Բ-ի դեմ արշավի երկրորդ ամսում Նիկոլ Փաշինյանը հայտարարեց՝ ինչպես է պատկերացնում նոր կաթողիկոսի ընտրությունը։ Ըստ նրա՝ նախ Գարեգին Երկրորդին պետք է փոխարինի կաթողիկոսի տեղապահը։
Մայր Աթոռի միաբան Տեր Շահե ծայրագույն վարդապետ Անանյանը Factor TV-ի հետ զրույցում վարչապետի առաջ քաշած գաղափարին վերապահումով է վերաբերվում։
Սահմանադրությամբ Մայր Աթոռի կառավարմանը, կաթողիկոսի ընտրությանը մասնակցելու որևէ լիազորություն չունեցող վարչապետը ֆեյսբուքյան գրառմամբ երեկ նաև հայտարարեց Հայաստանյայց Առաքելական Սուրբ Եկեղեցու Կանոնագիրքը փոփոխության ենթարկելու անհրաժեշտության մասին։
Ազգային-Եկեղեցական Ժողովը եկեղեցու իշխանության գերագույն մարմինն է։ Այն համազգային ու համաեկեղեցական ամենահին ժողովական կառույցն է, որին, ի թիվս այլ հարցերի, վերապահված է Եկեղեցու Սահմանադրության ընդունումը, փոփոխություններն ու լրացումները։ Արդյո՞ք այլ ձևաչափով հնարավոր է եկեղեցու կանոնագրքում փոփոխություն կատարել, ինչպես վարչապետն է առաջարկում։
Նիկոլ Փաշինյանի թիմակիցներն ունեն իրենց հակադարձումը։ Կաթողիկոսի դեմ արշավում վարչապետին աջակցող առողջապահության նախարար Անահիտ Ավանեսյանն այսպիսի հարցադրումներ ունի։
Այժմ մի բան է հստակ, որ Կառավարությունում պաշտոնապես չկա ձևավորված մարմին, որը կզբաղվի եկեղեցու կանոնագրքի փոփոխությամբ, նիստից հետո Factor TV-ի հարցին ի պատասխան՝ ասաց արդարադատության նախարարը։ Իսկ գործադիրը կարո՞ղ է այդ հարցին միջամտել, հետաքրքրվեցինք Սրբուհի Գալյանից։
Առաջիկայում նախատեսված է Փաշինյանի նախաձեռնած հավաքը Էջմիածնի հրապարակում, որը նա անվանել է «մեծ հոգևոր հանդիպում»։ Մամուլում կան հրապարակումներ, որ, գուցե, Փաշինյանն այդ օրը փորձի հանդիպել կաթողիկոսին ու մինչ օրս ֆեյսբուքում առաջ քաշած հարցերն ուղիղ տա նրան։
ՔՊ-ական Արման Եղոյանն այսօր Factor TV-ի տաղավարում հավաքին վերաբերող հարցին ուղիղ չպատասխանեց՝ դա համարելով գործընթացի տեխնիկական մաս։
Թե երբ կլինի Փաշինյանի նախաձեռնած հոգևոր մեծ հանդիպումն ու ինչ հետևանքներ կունենա, անհայտ է։ Սակայն, մեր տեղեկություններով, որոշ իշխանականներ դեմ են հանրահավաքից հետո Մայր Աթոռի տարածք մտնելու գաղափարից, բայց չեն ուզում այս դիրքորոշումը բարձրաձայնել, հավանաբար, զգուշանալով մեկ SMS-ով աշխատանքից զրկվելուց։
Մանրամասները՝ տեսանյութում։
Նարեկ Կիրակոսյան
