29.04.2026 | 09:07
Հայաստանն ու Վրաստանը կհյուրընկալեն ֆուտբոլի աշխարհի երիտասարդական առաջնությունը
Իտալիայի ԳՇ պետն Ադրբեջանում ռազմական համագործակցության հարցեր է քննարկել
Քաղաքականություն
24.07.2025 | 18:50
Ադրբեջանի պաշտպանության նախարար Զաքիր Հասանովն ընդունել է Իտալիայի զինված ուժերի գլխավոր շտաբի պետ, գեներալ Լուչիանո Պորտոլանոյին։ Ադրբեջանի ՊՆ-ի հաղորդմամբ՝ Հասանովը նշել է, որ ադրբեջանա-իտալական հարաբերությունների հետագա ընդլայնումը հատուկ նշանակություն ունի ինչպես ռազմական, այնպես էլ այլ ոլորտներում։
Հանդիպմանը, որին մասնակցել է նաև Բաքվում Իտալիայի դեսպան Լուկա Դի Ջանֆրանչեսկոն, քննարկվել են ռազմական, ռազմատեխնիկական, ռազմակրթական ոլորտներում համագործակցության, ինչպես նաև տարածաշրջանային անվտանգության հարցեր:
Իտալիայի ԳՇ պետը նախօրեին բանակցություններ է անցկացրել նաև Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևի հետ։
Իտալական պատվիրակությունն այցելել է Կիբերանվտանգության կենտրոն: Նրանց մանրամասն տեղեկատվություն է տրամադրվել ադրբեջանական բանակի սպառազինության մեջ գտնվող ժամանակակից սպառազինության համակարգերի և տեղեկատվական տեխնոլոգիաների գործիքների կիբերանվտանգությունն ապահովելու ուղղությամբ իրականացվող միջոցառումների, ինչպես նաև կիբերսպառնալիքների դեմ արհեստական բանականության վրա հիմնված կիբերպաշտպանության գործիքների վերաբերյալ:
Թարգմանությունը՝ Էմմա Չոբանյանի
