12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
ԲԱՆԱՎԵՃ․ ՀԷՑ-ը խլո՞ւմ են, թե՞ վերադարձնում տիրոջը․ արբիտրաժային դատարանի աղմկոտ որոշման հետքերով
Քաղաքականություն
24.07.2025 | 21:00
Սամվել Կարապետյանի պաշտպանական թիմը երեկ հայտարարեց, թե Ստոկհոլմի արբիտրաժային դատարանը պարտադրել է ՀՀ կառավարությանը ձեռնպահ մնալ ՀԷՑ-ի պետականացումից՝ որպես անհետաձգելի միջոց, զգուշացնելով, որ Կարապետյանները կարող են չստանալ լիարժեք փոխհատուցում, եթե կորցնեն վերահսկողությունը ընկերության վրա։ Սա Կարապետյանները համարում են հաղթանակ։
Ի պատասխան՝ ՀՀ վարչապետի աշխատակազմը նշեց, որ ժամանակավոր կառավարչի նշանակման նպատակը երկրի էներգետիկ կայունության պահպանումն է, պետական անվտանգությանը սպառնացող ռիսկերի չեզոքացումը և ՀԷՑ-ում չարաշահումների կանխարգելումը, միևնույն ժամանակ ընդգծելով՝ միջազգային արբիտրաժների որոշումներն կիրառվում են ՀՀ օրենսդրության և միջազգային պայմանագրերով սահմանված կարգով։
ՀԷՑ-ի ազգայնացմանն ուղղված օրենքների փաթեթն ընդունել էր ԱԺ-ն, որից հետո Ռոմանոս Պետրոսյանը նշանակվել էր ժամանակավոր կառավարիչ և անցել է իր գործառույթների կատարմանը։
ՀՀ կառավարությունն ունե՞ր իրավունք՝ գնալ ՀԷՑ-ի ազգայնացման ճանապարհով, թե՞ խախտվել են ներդրողների իրավունքները։ Արբիտրաժային դատարանն, ի վերջո, ՀՀ-ին տուգանի՞, թե՞ Կարապետյանների հայցի մերժման որոշում կկայացնի։
Factor TV-ի տաղավարում հրավիրել ենք քննարկում, որին մասնակցում են Սոս Խաչիկյանը՝ տնտեսագետ, Սուրեն Պարսյանը՝ տնտեսագետ, Ռոբերտ Ղևոնդյանը՝ Անվտանգային քաղաքականության հետազոտական կենտրոնի փորձագետ, քաղաքագետ, Հայկ Գևորգյանը՝ ԱԺ նախկին պատգամավոր, տնտեսական մեկնաբան, Աղասի Թավադյանը՝ տնտեսագետ։
Հաղորդումն ամբողջությամբ՝ տեսանյութում։
Ռոբերտ Անանյան
