06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Զելենսկին 14 հոգանոց պատվիրակություն է ուղարկում Թուրքիա՝ ՌԴ-ի հետ բանակցությունների համար
Քաղաքականություն
23.07.2025 | 12:35
Ուկրաինայի նախագահ Վլադիմիր Զելենսկին հաստատել է Ստամբուլում Ռուսաստանի հետ բանակցություններին մասնակցելու համար ուկրաինական պատվիրակության կազմը, գրում է BBC-ի ռուսական ծառայությունը։
Ավելի վաղ Զելենսկին հայտնել էր, որ ինչպես բանակցությունների առաջին երկու փուլերի ժամանակ՝ պատվիրակությունը կգլխավորի Ռուստեմ Ումերովը, որը լքել է Ուկրաինայի պաշտպանության նախարարի պաշտոնը և այժմ գլխավորում է Ուկրաինայի Ազգային անվտանգության խորհուրդը։
Զելենսկիի հրամանագրի համաձայն՝ պատվիրակության կազմում կլինի 14 մարդ, այդ թվում՝ նախագահի աշխատակազմի ղեկավարի խորհրդական Ալեքսանդր Բևզը, Ուկրաինայի զինված ուժերի գլխավոր շտաբի պետի տեղակալ Եվգենի Օստրյանսկին, ՊՆ գլխավոր հետախուզական վարչության պետի տեղակալ Վադիմ Սկբիցկին, ԶՈՒ Ռազմածովային ուժերի շտաբի պետի տեղակալ Ալեքսանդր Դյակովը, Անվտանգության ծառայության նախագահի տեղակալ Ալեքսանդր Պոկլադը և արտաքին գործերի նախարարի առաջին տեղակալ Սերգեյ Կիսլիցան։
Լրատվամիջոցները հայտնում են, որ բանակցությունները տեղի կունենան չորեքշաբթի երեկոյան, սակայն ամսաթվի ու ժամի մասին դեռևս պաշտոնապես չի հայտարարվել։ Ըստ աղբյուրների՝ Ռուսաստանի Ուկրաինայի պատվիրակությունների միջև բանակցությունները սպասվում են տեղի ժամանակով ժամը 19:00-ին Չիրաղանի պալատում։
Կողմերն ավելի վաղ Ստամբուլում անցկացրել էին բանակցությունների երկու փուլ՝ մայիսի 16-ին և հունիսի 2-ին։
Թարգմանությունը՝ Էմմա Չոբանյանի
