29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Ադրբեջանի և Թուրքիայի պաշտպանության նախարարները ռազմական անվտանգության ամրապնդման վերաբերյալ հուշագիր են ստորագրել
Քաղաքականություն
22.07.2025 | 22:03
Ադրբեջանի պաշտպանության նախարար Զաքիր Հասանովը, որը այցով գտնվում է Ստամբուլում՝ IDEF 2025 պաշտպանական արդյունաբերության 17-րդ միջազգային ցուցահանդեսին մասնակցելու նպատակով, հանդիպել է Թուրքիայի ազգային պաշտպանության նախարար Յաշար Գյուլերի հետ: Այս մասին տեղեկացնում են ադրբեջանական լրատվամիջոցները։
«Հանդիպմանը քննարկվել են երկու եղբայրական երկրների միջև ռազմական, ռազմատեխնիկական և ռազմակրթական ոլորտներում համագործակցության ներկա վիճակն ու զարգացման հեռանկարները:
Ընդգծվել է նաև, որ ռազմավարական համագործակցության ամրապնդման տեսանկյունից ԻԴԵՖ 2025 ցուցահանդեսը առանձնահատուկ նշանակություն ունի:
Կողմերը մտքեր են փոխանակել նաև տարածաշրջանային անվտանգության և փոխադարձ հետաքրքրություն ներկայացնող մի շարք այլ հարցերի շուրջ»,- ասված է հաղորդագրությունում:
Աղբյուրի փոխանցմամբ՝ հանդիպման ավարտին ստորագրվել է «փոխադարձ ռազմական անվտանգության ամրապնդման վերաբերյալ փոխըմբռնման հուշագիր»:
