16.07.2026 | 19:43
Ռոբերտ Աբիսողոմոնյանը Նյու Յորքում հանդիպել է Իռլանդիայի կլիմայի և շրջակա միջավայրի պետքարտուղարին
Թուրքիան 2,8 միլիարդ դոլարի «կանաչ» ֆինանսավորում է ապահովել դեպի Նախիջևան երկաթուղու համար
Քաղաքականություն
22.07.2025 | 22:54
Թուրքիան շուրջ 2,8 միլիարդ դոլարի «կանաչ» ֆինանսավորում է ապահովել երկաթուղային նախագծի համար, որը նպատակ ունի ուղիղ երկաթուղային կապ հաստատել Ադրբեջանի Նախիջևան էքսկլավի հետ, գրում է Daily Sabah-ը։
Նշվում է, որ Կարս-Իգդիր-Արալըք-Դիլուջու երկաթուղու նախագծի համար ստացվել է 2,4 միլիարդ եվրո (2,8 միլիարդ դոլար) արտաքին ֆինանսավորում, որը կամրապնդի Թուրքիայի տարածաշրջանային երկաթուղային կապը։
Թուրքիայի ֆինանսների նախարար Մեհմեթ Շիմշեքը X-ի իր միկրոբլոգում նշել է, որ ֆինանսավորումը կամրապնդի երկրի ենթակառուցվածքները, մրցունակությունը և արդյունավետությունը։
Անկարան համաձայնագիր է ստորագրել է Ճապոնիայի MUFG բանկի գլխավորած վարկատուների խմբի հետ, փաթեթն աջակցվում է Շվեդիայի EKN և Ավստրիայի OeKB արտահանման վարկային գործակալությունների, ինչպես նաև Իսլամական զարգացման բանկի ստորաբաժանումների կողմից։
Նախագիծը Թուրքիայի ավելի լայն ենթակառուցվածքային ռազմավարության մի մասն է և, ինչպես կանխատեսվում է, կխթանի տարածաշրջանային առևտուրն ու կապը՝ միաժամանակ աջակցելով կանաչ անցման նպատակներին։
Թարգմանությունը՝ Էմմա Չոբանյանի
