07.08.2026 | 22:57
Որ երկրներից են 2026-ին ամենաշատ զբոսաշրջիկներն այցելել Հայաստան․ հրապարակվել են տվյալները
Ուկրաինային ՌԴ-ի հարվածների հետևանքով 10-ամյա երեխա է զոհվել, վիրավորներ կան
Քաղաքականություն
22.07.2025 | 10:59
Ռուսական զորքերը հուլիսի լույս 22-ի գիշերը կրկին հարվածներ են հասցրել Ուկրաինային։ Դոնեցկի մարզի Կրամատորսկ քաղաքում կառավարվող ավիառումբերի հարվածի հետևանքով վնասվել է բազմահարկ շենք: Քաղաքային ռազմական վարչակազմի ղեկավար Ալեքսանդր Գոնչարենկոյի խոսքով՝ զոհվել է 10-ամյա երեխա, ևս հինգ մարդ վիրավորվել է, գրում է Current time-ը։
Սլավյանսկի քաղաքապետ Վադիմ Լյախը հայտնել է, որ քաղաքում վնասվել են բազմահարկ և մասնավոր տներ, մանկապարտեզ, վարչական շենք, Դոնբասի պետական մանկավարժական համալսարանի շենքը և ավտոմեքենաներ։ Վիրավորվել է հինգ մարդ։
Սումիին հասցված ավիահարվածի հետևանքով վնասվել է հինգ բնակարանային շենք, 18 մեքենա և առևտրի կենտրոն։ Վիրավորվել է երեք մարդ, այդ թվում՝ մեկ երեխա։ Ուկրաինայի արտակարգ իրավիճակների պետական ծառայությունը հայտնել է, որ բժշկական օգնության է դիմել, ընդհանուր առմամբ, 12 մարդ։
Ռուս զինվորականներն Օդեսային հարված են հասցրել անօդաչու թռչող սարքերով, ինչի հետևանքով կայանատեղիներից մեկում մեքենաներ են այրվել, վնասվել է խանութ, իսկ բազմահարկ շենքի ապակիները կոտրվել են։ Պետական արտակարգ իրավիճակների ծառայության տվյալներով՝ մեկ մարդ վիրավորվել է։
Խերսոնում էլ տուժել է 67-ամյա մի կին։ Նա ստացել է ականի պայթյունային և աջ ուսի բեկորային վերք։
Ուկրաինայի ռազմաօդային ուժերը հայտնում են, որ գիշերը Ռուսաստանը հարձակվել է 42 ԱԹՍ-ներով։ Ըստ հաղորդագրության՝ ժամը 09:00-ի դրությամբ՝ 26 անօդաչու թռչող սարք է խոցվել կամ ճնշվել, ևս յոթը սպառնալիք չեն ներկայացնում։
Թարգմանությունը՝ Էմմա Չոբանյանի
