04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Մարիա Զախարովան մեկնաբանել է հայ-ամերիկյան հարաբերությունների մասին ԱՄՆ դեսպանի խոսքերը
Քաղաքականություն
17.10.2018 | 21:30
Դեսպան Միլսն առանց շփոթմունքի խոսում էր ինքնիշխան պետության ներքին գործերին միջամտության մասին:
Այս մասին Մոսկվայում տեղի ունեցած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով հայ-ամերիկյան հարաբերություններն ու Հայաստանում ԱՄՆ նախկին դեսպան Ռիչարդ Միլսի խոսքերը:
«Մենք ուշադրություն դարձրեցինք Հայաստանում առաքելությունն ավարտող ԱՄՆ դեսպան պարոն Միլսի ուղերձին: ԱՄՆ դեսպանը հաղորդեց, որ իր երկրի կառավարությունը, ամերիկյան դեսպանությունը վերջին տասնամյակների ընթացքում նպատակաուղղված սատարել են հայ հանրության որոշակի խմբերին և կառավարության որոշակի ներկայացուցիչներին: Ընդ որում՝ ինքնիշխան պետության ներքին գործերին միջամտության մասին նա խոսում էր առանց որևէ շփոթմունքի: Քանի որ, իբր, այդ ամենն արդարացված էր և անհրաժեշտ էր բարի նպատակի իրականացման համար՝ Հայաստանը դարձնել ավելի արդար և թափանցիկ հանրություն»,- ասել է Զախարովան:
Նա նաև ուշադրություն է հրավիրել այն հանգամանքի վրա, որ դեսպան Միլսը հրաժեշտի ուղերձում Հայաստանի քաղաքացիական հասարակությամը մաղթել է հետևել կառավարության գործունեությանը, իսկ ԱՄՆ լրացուցիչ ֆինանսական միջոցների մեծ մասը կուղղվի Հայաստանում քաղաքացիական հասարակությանն աջակցելուն:
