29.04.2026 | 13:10
Իրավասություն չունեմ գնահատական տալու․ Վարդապետյանը` Գարեգին Բ-ին հեռացնելու ՔՊ ծրագրի մասին․ ՏԵՍԱՆՅՈՒԹ
ԱՄՆ Կոնգրեսը հաստատել է արտաքին օգնության և ԶԼՄ-ների համար նախատեսված 9 միլիարդ դոլարի կրճատումը
Քաղաքականություն
18.07.2025 | 14:51
ԱՄՆ նախագահ Դոնալդ Թրամփը ևս մեկ հաղթանակ է տարել Կոնգրեսում։ DW-ի ռուսական ծառայության հաղորդմամբ՝ հանրապետականների կողմից վերահսկվող Ներկայացուցիչների պալատն ընդունել է օրենք, որը միլիարդավոր դոլարներ է կրճատել արդեն հաստատված պետական ծախսերը՝ արտաքին օգնության և հանրային հեռարձակողների համար նախատեսված դաշնային ֆինանսավորման համար: Կրճատումները նախաձեռնել էր Դոնալդ Թրամփը։
Ներկայացուցիչների պալատում 216 կոնգրեսական քվեարկել է օրենքի օգտին, 213-ը՝ դեմ: Այս փաստաթուղթն ավելի վաղ ընդունվել էր Սենատում: Այժմ Թրամփին անհրաժեշտ է միայն ստորագրել օրենքը, որպեսզի այն ուժի մեջ մտնի:
Օրենքը ներառում է մոտավորապես 9 միլիարդ դոլարի կրճատումներ, այդ թվում՝ Հանրային հեռարձակման կորպորացիային (CPB) արդեն խոստացված 1,1 միլիարդ դոլարը։
CPB-ն պատասխանատու է պետական միջոցների բաշխման համար հանրային հեռարձակողներին՝ Ազգային հանրային ռադիոյին (NPR) և Հանրային հեռարձակման ծառայությանն (PBS) ու դրանց դուստր կազմակերպություններին։ CPB-ի համաձայն՝ այն աջակցում է Միացյալ Նահանգներում ավելի քան 1500 տեղական հանրային հեռուստառադիոկայանների։
Թրամփի մամուլի խոսնակ Քերոլայն Լևիթը նշել է, որ նպատակը երկրում «ֆինանսական խելամտությունը» վերականգնելն է: Նա ասել է, որ NPR-ը և PBS-ը տարիներ շարունակ օգտագործել են դաշնային միջոցները՝ «կողմնակալ, ձախակողմյան օրակարգ» առաջ մղելու համար: Միևնույն ժամանակ, դեմոկրատները զգուշացրել են, որ ֆինանսավորման կրճատումները հատկապես ծանր հարված կհասցնեն գյուղական վայրերում գտնվող տեղական ռադիոկայաններին և կարող են հանգեցնել դրանց փակմանը:
