07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՌԴ-ն Ուկրաինային է հանձնել ևս 1000 զոհված ուկրաինացի զինվորների մարմին․ Կիևը ռուսական կողմին 19 մարմին է փոխանցել
Քաղաքականություն
17.07.2025 | 13:34
Ռուսաստանի նախագահի օգնական, Ստամբուլի բանակցություններում ռուսական պատվիրակության ղեկավար Վլադիմիր Մեդինսկին հայտնել է, որ Մոսկվան և Կիևը զոհված զինծառայողների մարմինների նոր փոխանակում են իրականացրել։
«Ստամբուլյան պայմանավորվածությունների շարունակության շրջանակում այսօր Ուկրաինային ենք փոխանցել Ուկրաինայի զինված ուժերի ևս 1000 զինվորի մարմին։ Մենք ստացել ենք 19 զոհված զինվորի մարմին։ Թող նրանք հանգչեն խաղաղությամբ իրենց հայրենի հողում»,- գրել է Մեդինսկին տելեգրամի իր ալիքում։
Ուկրաինան փոխանակման մասին դեռևս չի հայտնել։
Հունիսի սկզբին Մեդինսկին հայտարարել էր, որ Ռուսաստանը միակողմանիորեն Ուկրաինային կփոխանցի ուկրաինացի զինվորների և սպաների 6000 սառեցված մարմին։ Ամսվա կեսերին նա ասել էր, որ Ուկրաինայի զինված ուժերի զինծառայողների 6060 մարմին է փոխանցվել։
Սա զոհվածների մարմինների չորրորդ փոխանակումն է. կողմերը նաև իրականացրել են ռազմագերիների ութ փոխանակում՝ առանց նշելու ազատ արձակվածների թիվը։
Ուկրաինայի նախագահ Վլադիմիր Զելենսկին էլ ավելի վաղ հայտարարել էր, որ զոհված զինվորների մարմինների փոխանակման ժամանակ ռուսական կողմը Կիևին է հանձնել, ի թիվս այլոց, Ռուսաստանի և այլ երկրների քաղաքացիների՝ պնդելով, որ նրանք ուկրաինացի զինվորներ են։
Թարգմանությունը՝ Էմմա Չոբանյանի
