12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ռուսական զորքերը ԱԹՍ-ներով զանգվածային հարված են հասցրել Դնեպրին․ զոհ և վիրավորներ կան
Քաղաքականություն
17.07.2025 | 13:16
Ռուսական զորքերը հուլիսի լույս 17-ի գիշերը կրկին անօդաչու թռչող սարքերով հարձակվել են Ուկրաինայի վրա։ Դնեպրոպետրովսկի մարզի ռազմական վարչակազմի ղեկավար Սերգեյ Լիսակը հայտնել է, որ Դնեպրը ենթարկվել է զանգվածային հարձակման, փոխանցում է Current time-ը։
Քաղաքում մի քանի հրդեհներ են բռնկվել, վնասվել են ձեռնարկություններ։ Մեկ մարդ զոհվել է, հինգը՝ վիրավորվել։ Լիսակի խոսքով՝ նրանցից երեքը ծանր վիճակում են։
Մարզի Դնեպրովսկի շրջանում վնասվել են օժանդակ շինություն և ջերմոց: Ռուսական զորքերը նաև կրակ են բացել Նիկոպոլի վրա «Գրադ» կայանից, արձակել FPV անօդաչու թռչող սարքեր: Վնասվել է մեքենա, մասնավոր տուն և օժանդակ շինություն, վիրավորվել է հինգ մարդ։
Ուկրաինայի արտակարգ իրավիճակների պետական ծառայությունը հայտնել է, որ Նիկոպոլի վրա հարձակման հետևանքով բեռնատար է հրդեհվել: Հարվածի հետևանքների վերացման ժամանակ փրկարարները ենթարկվել են անօդաչու թռչող սարքի հարձակման, վիրավորվել են գերատեսչության երեք աշխատակիցներ: Տուժածներից 2-ը քաղաքացիական անձինք են:
Ուկրաինայի ռազմաօդային ուժերի հաղորդմամբ՝ Ռուսաստանը գիշերը հարձակվել է 64 ԱՍԹ-ով։ Հարվածի հիմնական ուղղությունը եղել է Դնեպրոպետրովսկի մարզը։ Ընդհանուր առմամբ, խոցվել է 36 անօդաչու թռչող սարք, հինգ դրոն-իմիտատոր ճնշվել կամ կորել է։
Թարգմանությունը՝ Էմմա Չոբանյանի
