17.02.2026 | 11:12
Հայ Ազգային Կոնգրեսն իր անվերապահ աջակցությունն է հայտնում Հայ Առաքելական եկեղեցուն․ հայտարարություն
Լավրովը Պեկինում հանդիպել է Չինաստանի ղեկավարին
Քաղաքականություն
15.07.2025 | 11:50
Չինաստանի նախագահ Սի Ցզինպինն ու ՌԴ ԱԳ նախարար Սերգեյ Լավրովը Պեկինում տեղի ունեցած հանդիպմանը քննարկել են Ռուսաստանի նախագահ Վլադիմիր Պուտինի՝ Չինաստան այցի նախապատրաստական աշխատանքները, որտեղ մասնակցելու է Շանհայի համագործակցության կազմակերպության գագաթնաժողովին և Ճապոնիայի նկատմամբ տարած հաղթանակի 80-ամյակի տոնակատարություններին։ Այս մասին ասվում է Ռուսաստանի արտաքին գործերի նախարարության հայտարարության մեջ, փոխանցում է ՏԱՍՍ-ը։
«Լավրովը Չինաստանի առաջնորդին փոխանցել է ՌԴ նախագահ Վլադիմիր Պուտինի բարեկամական ողջույններն ու բարեմաղթանքները։ Քննարկվել են ամենաբարձր և բարձր մակարդակներում երկկողմ քաղաքական շփումների մի շարք հարցեր, այդ թվում՝ Ռուսաստանի ղեկավարի՝ Չինաստան այցի նախապատրաստական աշխատանքները՝ մասնակցելու ՇՀԿ գագաթնաժողովին և միլիտարիստական Ճապոնիայի նկատմամբ տարած հաղթանակի 80-ամյակի տոնակատարություններին»,- նշել են նախարարությունում։
Ըստ ռուսական կողմի՝ Սի Ցզինպինը բարձր է գնահատել երկկողմ հարաբերությունների վիճակը և հաստատել Ռուսաստանի հետ «համապարփակ գործընկերության և ռազմավարական փոխգործակցության հետագա զարգացման» ուղղությամբ կենտրոնացումը։
«Ռուսական կողմից անդրադարձ է եղել նաև միջազգային և տարածաշրջանային օրակարգի որոշ արդիական հարցերի»,- նշել է ՌԴ ԱԳՆ-ն։
Թարգմանությունը՝ Էմմա Չոբանյանի
