12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ռուսական բանակը հրթիռային հարվածել է Սումիի մարզին․ ավերվել է հոգեբուժարանի մասնաշենքը
Քաղաքականություն
15.07.2025 | 11:01
Ռուսական զորքերը հուլիսի լույս 15-ի գիշերը կրկին հարձակվել են Ուկրաինայի վրա։ Նախնական տեղեկությունների համաձայն՝ Սումիի մարզի Շոստկա քաղաքին երեք հրթիռային հարված է հասցվել։ Վնասվել է բժշկական հաստատության շենք, բնակելի շենքեր և մասնավոր տներ, մեկ մարդ վիրավորվել է, գրում է Current time-ը։
«Ավերածությունների ծավալը պարզվում է։ Հետևանքները վերացվում են»,- հայտնել է մարզային ռազմական վարչությունը։
Շոստկայի քաղաքապետ Նիկոլայ Նոգան մանրամասնել է, որ ռուսական զորքերը հարձակվել են Սվեսկիի հոգեբուժական դիսպանսերի վրա, հիվանդանոցի մասնաշենքն ավերվել է։ Բացի այդ, վնասվել է 11 բազմաբնակարան շենք և ավելի քան 10 մասնավոր տուն։
Սումիի մարզի ռազմական վարչակազմի ղեկավար Օլեգ Գրիգորովի խոսքով՝ 14-ամյա երեխա է տուժել։ Աղջիկը ապակուց բեկորային վերքեր է ստացել, երբ փախել է ապաստան գտնելու։
Խարկովի մարզի Կուպյանսկի շրջանի Պրիկոլոտնոյե գյուղում էլ, ըստ Ուկրաինայի Պետական արտակարգ իրավիճակների ծառայության, ավերվել են մասնավոր տներ, այրվել է երկու տուն և չորս օժանդակ շինություն, վիրավորվել է 68-ամյա մի կին: Չուգուևում հրդեհներ են բռնկվել շենքերում և բաց տարածքներում, ոչ ոք չի տուժել։
Թարգմանությունը՝ Էմմա Չոբանյանի
