07.09.2026 | 22:24
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ում Մի-8 ուղղաթիռ է անհետացել․ դրանում 5 մարդ է եղել
Քաղաքականություն
14.07.2025 | 20:27
«Վզլյոտ» ավիաընկերությանը պատկանող Մի-8Տ ուղղաթիռ է անհետացել ՌԴ Խաբարովսկի երկրամասում։ Այս մասին հայտնել է «Ռոսավիացիայի» մամուլի քարտուղար Արտյոմ Կորենյակոն, գրում է ՌԲԿ-ն։
Նախնական տեղեկությունների համաձայն՝ անհետացած ինքնաթիռում 5 մարդ է եղել՝ անձնակազմի երեք անդամ և երկու տեխնիկական մասնագետ։ RA-25660 գրանցման համարով ուղղաթիռը թռիչք է կատարել Օխոտսկ քաղաքից և պետք է ժամաներ Մագադան։ Սակայն անձնակազմը սահմանված ժամին կապ չի հաստատել անձնակազմի հետ։
Անհետ կորած ուղղաթիռի որոնման համար օգտագործվում են Ռոսավիացիայի որոնողական-փրկարարական ինքնաթիռները: Մագադանից մեկնել է «ԻրԱէրո» ավիաընկերության Ան-26 ինքնաթիռը՝ տարածաշրջանային որոնողական-փրկարարական բազայի փրկարարներով, իսկ Օխոտսկից՝ «Դալներեչենսկ Ավիա» ավիաընկերության Մի-8 ուղղաթիռը՝ Խաբարովսկի ՌՕՓԿ մասնաճյուղի փրկարարներով:
Տրանսպորտային քննչական կոմիտեի Արևելյան վարչությունից լրատվամիջոցին հայտնել են, որ ճշտում են տեղեկատվությունը։
«Ներկայում Ռուսաստանի ԱԻՆ ուժերն ու միջոցները ներգրավված չեն»,- հայտնել է Ռուսաստանի ԱԻՆ Խաբարովսկի երկրամասի գլխավոր վարչությունը։
Դաշնային օդային տրանսպորտի գործակալության ներկայացուցչի խոսքով՝ Ռուսաստանի ԱԻՆ Մի-8 ուղղաթիռը ներկայում մարտական պատրաստության վիճակում է։
Մի-8Տ-ը բազմաֆունկցիոնալ Մի-8 ուղղաթիռի դեսանտատրանսպորտային տարբերակն է, որը մշակվել է ОКБ М.Л. Миля կոնստրուկտորական բյուրոյի կողմից (այժմ՝ Միլ Մոսկվայի ուղղաթիռների գործարան, որը մտնում է «Ռուսական ուղղաթիռներ» ընկերության կազմի մեջ): Այս ուղղաթիռի առավելագույն թռիչքային քաշը 12 տոննա է, առավելագույն արագությունը՝ 250 կմ/ժ, իսկ թռիչքի հեռավորությունը՝ մինչև 500 կմ։
Թարգմանությունը՝ Էմմա Չոբանյանի
