12.03.2026 | 10:25
Երևանի ավագանու նիստը՝ ՈՒՂԻՂ
Wizz Air-ը դադարեցնում է Աբու Դաբիի ուղղությամբ թռիչքները
Քաղաքականություն
14.07.2025 | 17:20
Wizz Air ավիընկերությունը հայտարարել է, որ դադարեցնում է Աբու Դաբիում գործունեությունը՝ կենտրոնանալու իր հիմնական՝ արևելաեվրոպական շուկայի վրա, այն բանից հետո, երբ Մերձավոր Արևելքում գրեթե երկու տարի տևած անկայունությունը վերացրել է շահույթ ստանալու ցանկացած հնարավորություն, գրում է Reuters-ը։
Wizz-ը, որը բյուջետային ավիաընկերություն է, հիմնադրվել է Հունգարիայում՝ Արևելյան Եվրոպայի ճանապարհորդների համար, սկզբում ընդլայնվել է դեպի Արևմտյան Եվրոպա՝ նախքան վեց տարի առաջ Աբու Դաբիում բազա բացելը և իր ապագա աճի հույսերը Մերձավոր Արևելքում խոշոր ընդլայնման հետ կապելը։
Սակայն այժմ ընկերությունը հրաժարվել է այդ ծրագրերից՝ վերջին աշխարհաքաղաքական անկայունության պատճառով օդային տարածքի հաճախակի փակման և խափանումների պատճառով, որոնք հարվածել են ճանապարհորդության պահանջարկին, նշանակում է՝ վնասաբեր ստորաբաժանումում վերականգնման ոչ մի հույս չկա։
Wizz-ի գործադիր տնօրեն Ջոժեֆ Վարադին ասել է, որ Կենտրոնական ու Արևելյան Եվրոպայում, որտեղ մրցակցում է Եվրոպայի ամենամեծ բյուջետային ավիաընկերության՝ Ryanair-ի հետ, կբացի նոր շուկա և կմեծացնի շահույթը։
Wizz-ը Airbus-ից պատվիրել է 280 ինքնաթիռ, բացում է նոր թռիչքներ հաջորդ հինգ տարիների համար։ Վարադին ասել է, որ դրանց մեծ մասը կտեղակայվի Կենտրոնական և Արևելյան Եվրոպայում, որը կազմում է ավիաընկերության բիզնեսի մոտ երկու երրորդը, մինչդեռ Մեծ Բրիտանիան, Իտալիան և Ավստրիան կազմում են 30%-ից մի փոքր պակաս, Աբու Դաբին՝ շուրջ 5%-ը։
Նա նշել է, որ բավարար ճանապարհորդական պահանջարկ կլինի՝ գոյություն ունեցող ռեսուրսների չափը պահպանելու համար, անկախ նրանից՝ Ուկրաինան կրկին լիովին կբացվի՞ որպես շուկա, թե՞ ոչ։
«Կարծում եմ՝ հիանալի կլիներ Ուկրաինան ունենալ որպես շուկա»,- ասել է նա։
Նույնիսկ տարածաշրջանում լարվածության աճից առաջ Վարադին ասել էր, որ Wizz-ի ինքնաթիռները դժվարանում էին աշխատել Աբու Դաբիում, քանի որ շարժիչներն ավելի արագ են մաշվում շոգ, կոշտ միջավայրում, ինչը նրա գործունեությունը այնտեղ դարձնում է պակաս արդյունավետ։ Երկրորդ՝ Wizz-ը չէր ստացել մուտք դեպի Հնդկաստանի և Պակիստանի շուկաներ, որը նրան խոստացել էին, երբ որոշել էր գրասենյակներ բացել Աբու Դաբիում, ինչը սահմանափակել է աճի ներուժը։
Wizz Air-ը, որը համատեղ ձեռնարկություն էր շահագործում Աբու Դաբիի զարգացման հոլդինգային ընկերության (ADQ) հետ, հայտարարել է, որ սեպտեմբերին դադարեցնում է չվերթներն այնտեղից։
Թարգմանությունը՝ Էմմա Չոբանյանի
