29.04.2026 | 11:55
Թրամփը հանձնարարել է իր օգնականներին պատրաստվել Իրանի երկարաժամկետ շրջափակմանը. WSJ
ԱՄՆ գլխավոր դատախազը աշխատանքից ազատել է ավելի քան 20 արդարադատության նախարարության աշխատակիցների, որոնք զբաղվում էին Թրամփի գործերով
Քաղաքականություն
13.07.2025 | 17:07
ԱՄՆ գլխավոր դատախազ Փեմ Բոնդին աշխատանքից ազատել է արդարադատության նախարարության ավելի քան 20 աշխատակցի, որոնք մասնակցում էին Դոնալդ Թրամփի դեմ հարուցված գործերի քննությանը։ Այդ մասին հաղորդում են Reuters և Axios՝ հղում անելով աղբյուրներին։
Ազատվածների թվում եղել են ինչպես իրավաբաններ, այնպես էլ օժանդակ աշխատակիցներ։ Ամենաքիչը երկու ազատվածներ դատախազներ են եղել՝ աշխատող Ֆլորիդայում և Հյուսիսային Կարոլինայում։
Reuters-ի տեղեկացմամբ՝ բոլոր ազատվածները եղել են նախկին հատուկ դատախազ Ջեք Սմիթի թիմի անդամներ։ Այդ թիմը քննում էր Թրամփի դեմ երկու գործ՝ իշխանությունը զավթելու փորձի և գաղտնի փաստաթղթեր պահելու վերաբերյալ։
Սա առաջին դեպքը չէ, երբ Թրամփի գործերով զբաղվող արդարադատության աշխատակիցներ զանգվածաբար ազատվում են աշխատանքից։ Դեռևս հունվարի վերջին նախարարության ժամանակավոր ղեկավար Ջեյմս Մաքգենրին աշխատանքից ազատել էր 14 իրավաբանի։
Reuters-ի հաշվարկով՝ Սմիթի թիմի ազատված աշխատակիցների ընդհանուր թիվը հասել է 37-ի։ Ենթադրվում է, որ մոտակա ժամանակում կազատվեն ևս 15 աշխատակից։
Հիշեցնենք՝ 2025 թվականի հունվարի սկզբին հայտնի դարձավ, որ հատուկ դատախազ Ջեք Սմիթը հրաժարական է ներկայացրել։ Դոնալդ Թրամփի՝ 2024 թվականի նոյեմբերին նախագահական ընտրություններում հաղթելուց հետո Սմիթը դիմել էր Վաշինգտոնի դաշնային դատարանին՝ Թրամփի դեմ բոլոր մեղադրանքները հանելու պահանջով։ Նա նշել էր, որ ցանկանում է մեղադրանքները հանել մինչև Թրամփի երդմնակալությունը, քանի որ ԱՄՆ արդարադատության նախարարությունը չի կարող հետապնդել գործող նախագահին։
Իր քննության հաշվետվության մեջ Սմիթը գրել է, որ Թրամփը կհայտարարվեր մեղավոր իշխանությունը զավթելու փորձի գործով, եթե չհաղթեր 2024 թվականի նախագահական ընտրություններում։
