16.07.2026 | 21:39
Թուրքիան հայտարարում է C-400 համակարգի ուղղությամբ աշխատանքները շարունակելու մասին՝ հնարավոր վաճառքի լուրերի ֆոնին
Մալայզիայում ընթանում է Մարկո Ռուբիոյի և Սերգեյ Լավրովի հանդիպումը․ ՏԵՍԱՆՅՈՒԹ
Քաղաքականություն
10.07.2025 | 15:15
Մալայզիայի մայրաքաղաք Կուալա Լումպուրում մեկնարկել է ԱՄՆ պետքարտուղար Մարկո Ռուբիոյի և ՌԴ ԱԳ նախարար Սերգեյ Լավրովի հանդիպումը, հայտնում է ՏԱՍՍ-ի թղթակիցը։
Երկու երկրների արտաքին քաղաքական գերատեսչությունների ղեկավարները բանակցություններ են վարում Հարավարևելյան Ասիայի պետությունների ասոցիացիայի (ԱՍԵԱՆ) միջոցառումների շրջանակում։
Հանդիպումը սկսվել է Մոսկվայի ժամանակով մոտավորապես ժամը 13:14-ին։ Պետքարտուղարն առաջինն է ժամանել հանդիպման վայր, իսկ Լավրովը բանակցային սրահ է մտել շուրջ հինգ րոպե անց, ինչից հետո մամուլի ներկայացուցիչներին են հրավիրել։
Կողմերը հանդիպումը սկսել են առանց լրագրողներին մեկնաբանություններ տալու, թեպետ ամերիկացի լրագրողները փորձել են հարցեր ուղղել Ռուբիոյին։
Վերջին անգամ Լավրովը և Ռուբիոն հանդիպել են Ռիադում փետրվարի 19-ին՝ Ռուսաստանի Դաշնության և ԱՄՆ-ի պատվիրակությունների միջև բանակցությունների ժամանակ։
Թարգմանությունը՝ Էմմա Չոբանյանի
