12.01.2026 | 21:13
Ալիևը Հայաստանին մեղադրել է ժամանակին Ադրբեջանի դեմ իրականացված «ջրային ահաբեկչության» մեջ
Armenia meatfood-ի երկու արտադրատեսակի արտադրությունը կասեցվել է
Տնտեսություն
09.07.2025 | 22:39
Սննդամթերքի անվտանգության տեսչական մարմնի Երևանի կենտրոնի տեսուչները «Արմ միթ» ՍՊԸ-ին պատկանող մսամթերքի արտադրամասում իրականացրած վերահսկողական միջոցառումների ընթացում լաբորատոր փորձաքննության են հանձնել նմուշներ առկա արտադրատեսակներից (ապրանքանիշը՝ Armenia Meatfood), «Կոտլետներ սառեցված մսային աղացած կիսապատրաստվածք», «Վետչինա պրեմիում» արտադրատեսակների արտադրությունը, կասեցվել է: Այս մասին տեղեկացնում է ՍԱՏՄ-ն։
«Ըստ լաբորատոր արդյունքների՝ «Կոտլետներ սառեցված մսային աղացած կիսապատրաստվածք» արտադրատեսակի նմուշը (արտադրված՝ 22․06․2025)՝ «բորբոսասնկեր, ախտածին ա/թ սալմոնելաներ», «Վետչինա պրեմիում» արտադրատեսակի նմուշը (արտադրված 29․06․2025)՝ «ՄԱՖԱնՄՔ» (մեզոֆիլային աերոբ և ֆակուլտատիվ անաերոբ միկրոօրգանիզմների քանակություն) ցուցանիշներով չեն համապատասխանել Մաքսային միության տեխնիկական կանոնակարգերի պահանջներին:
Մսամթերքի արտադրամասի արտադրական գործունեության առանձին գործառույթը՝ «Կոտլետներ սառեցված մսային աղացած կիսապատրաստվածք», «Վետչինա պրեմիում» արտադրատեսակների արտադրությունը, կասեցվել է»,- ասված է հաղորդագրությունում:
Նշվում է, որ հայտնաբերված խախտումները վերացնելու համար սահմանվել է ժամկետ: «Արմ միթ» ՍՊԸ-ին տրվել է խմբաքանակի իրացումն արգելելու, շուկայից հետ կանչելու, ոչնչացնելու կամ օգտահանելու մասին կարգադրագիր:
