16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Եվրոպայում շոգի պատճառով տասը օրում 2300 մարդ է մահացել
Քաղաքականություն
09.07.2025 | 21:26
Հունիսի 23-ից հուլիսի 2-ը եվրոպական 12 քաղաքներում ծայրահեղ շոգը, ըստ գնահատականների, շուրջ 2300 մարդու կյանք է խլել։ Այս մասին է վկայում Imperial College London-ի ու Լոնդոնի հիգիենայի և արևադարձային բժշկության դպրոցի անցկացրած ուսումնասիրությունը, փոխանցում է Meduza-ն։
Շոգից մոտ մեկուկես հազար մահը կամ դեպքերի 65%-ը կապված է կլիմայի փոփոխության հետ, որի արդյունքում ուսումնասիրված քաղաքներում օդի ջերմաստիճանը բարձրացել է 1-4°C-ով, կարծում են հետազոտության հեղինակները։
Նրանց գնահատականների համաձայն՝ Միլանի (317 մահ), Բարսելոնայի (286 մահ), Փարիզի (235 մահ), ինչպես նաև Լոնդոնի, Հռոմի, Մադրիդի, Աթենքի, Բուդապեշտի, Զագրեբի, Ֆրանկֆուրտի և Լիսաբոնի բնակիչների մահը կապված է կլիմայի փոփոխության պատճառով ջերմաստիճանի բարձրացման հետ։
Մահացության մեծ մասը (88%) 65 տարեկան և բարձր մարդկանց շրջանում է: Ըստ ուսումնասիրության հեղինակների՝ այս տվյալները ցույց են տալիս, որ առողջական խնդիրներ ունեցող մարդիկ շոգի պատճառով վաղաժամ մահվան ամենաբարձր ռիսկային խմբում են։
Եվրոպայի որոշ հատվածներում 2025 թվականի ամռան առաջին կեսին հաստատվել էր շոգ օդի մոտ 40°C ջերմաստիճանով։ 2025 թվականի հունիսը Արևմտյան և Հարավային Եվրոպայում գրանցված ամենատաք ամիսն էր, հայտնել է ԵՄ Կոպեռնիկուս կլիմայի փոփոխության ծառայությունը։
Թարգմանությունը՝ Էմմա Չոբանյանի
