07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
ՔՊ պատգամավորները ՌԴ-ում գրանցված հեռախոսահամարներից զանգեր, SMS-ներ են ստանում․ Թունյան․ ՏԵՍԱՆՅՈՒԹ
Քաղաքականություն
08.07.2025 | 14:30
«ՔՊ պատգամավորներից շատերը ՌԴ-ում գրանցված անհայտ հեռախոսահամարներից պարբերաբար զանգեր, sms-ներ են ստանում, այս մասին ԱԺ-ում «Հայաստան» խմբակցության պատգամավոր Արթուր Սարգսյանի նկատմամբ հանրային քրեական հետապնդում հարուցելու՝ ՀՀ գլխավոր դատախազի միջնորդագրի քննարկման ժամանակ տեղեկացրեց ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը։
«Ես մի 5 հոգի ունեմ էդպես, սովորաբար զանգում են գիշերը ժամը 04–05-ն ընկած հատվածում։ Էդ խոսակցությունների ժամանակ, օրինակ, պարզվեց, որ մեր հեռախոսահամարներն ու կոնտակտները «սրբազան» շարժմանը փոխանցելու գործառույթը վերապահված է եղել Իշխան Սաղաթելյանին, որը, փոխանակ գա, քննարկի տնտեսական, սոցիալական հարցեր, զբաղված է ուրիշ բաներով»,- նշեց Թունյանը։
Նշենք, որ ԱԺ-ն քննարկում է «Հայաստան» խմբակցության պատգամավոր Արթուր Սարգսյանին անձեռնմխելիությունից զրկելու և կալանավորելու՝ գլխավոր դատախազ Աննա Վարդապետյանի միջնորդագիրը։
Ավելի վաղ նիստում ելույթ ունեցավ Արթուր Սարգսյանը։ Նա հայտարարեց, որ ամեն ինչ որոշված է իրեն անձեռնմխելիությունից զրկելու և կալանավորելու հարցում։
Ընդդիմադիր պատգամավորը հավելեց՝ պատրաստվում է 4 անչափահաս երեխաների, կնոջ հետ գնալ եկեղեցի, մոմ վառել և ինքնակամ ներկայանալ Քննչական կոմիտե։
Մանրամասները՝ տեսանյութում։
Մանյա Պողոսյան
