06.10.2026 | 13:24
Որ մի քիչ ջանք թափեմ, էնքան կպայմանավորվեմ Ձեզ հետ․ Ռուբեն Ռուբինյանը՝ Քրիստինե Վարդանյանին․ ՏԵՍԱՆՅՈՒԹ
Դալայ-Լաման՝ 90 տարեկան. նա իրեն անվանել է «սովորական բուդդայական վանական» և ասել, որ կապրի մինչև 130 տարեկանը
Քաղաքականություն
06.07.2025 | 20:22
Տիբեթի բուդդայականների հոգևոր առաջնորդ Դալայ-Լամայի 90-ամյակը նշվել է կիրակի օրը։ Այս շաբաթ նա հաստատել է, որ վերամարմնավորման (ռեինկարնացիայի) ավանդույթը կշարունակվի իր մահվանից հետո՝ չնայած Չինաստանի առարկություններին, փոխանցում է BBC-ի ռուսական ծառայությունը։
Հոգևոր առաջնորդի ծննդյան օրը նշելու համար հազարավոր տիբեթցի բուդդայականներ հավաքվել են Հիմալայներում գտնվող Հնդկաստանի Դհարամսալա քաղաքում, որտեղ ներկայում ապրում է Դալայ-Լաման։
Կիրակնօրյա տոնակատարությունները դարձել են շաբաթվա ընթացքում ընթացող երկար կյանք մաղթող աղոթքների կուլմինացիան, որոնք սկսվել էին երկուշաբթի՝ ըստ տիբեթյան լուսնային օրացույցի նրա ծննդյան օրը։
Չինաստանը պնդում է, որ Տիբեթը իր անբաժանելի մասն է, և ներկայիս Դալայ-Լամային՝ XIV Դալայ-Լամային, անվանում է սեպարատիստ։
Հզոր մուսսոնային անձրևները չեն փչացրել տոնական տրամադրությունը։ Տիբեթի հոգևոր առաջնորդը հանդիսության ժամանակ հայտնվել է ավանդական զգեստով և ժպիտով, նրան ուղեկցում էին երկու վանականներ։
