29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
ԵՄ-ն՝ Եկատերինբուրգում ադրբեջանցիների նկատմամբ բռնության ու ձերբակալությունների մասին
Քաղաքականություն
04.07.2025 | 21:48
Ռուսաստանի իշխանությունների կողմից ճնշումներն ակնհայտ են իրենց բոլոր դրսևորումներով՝ թե՛ արտաքին, թե՛ ներքին քաղաքականության մեջ, այդ թվում՝ էթնիկ փոքրամասնությունների նկատմամբ վերաբերմունքի հարցում։ Այս մասին ադրբեջանական Report-ին Բրյուսելում հայտարարել է ԵՄ պաշտոնական ներկայացուցիչ Անիտա Հիփերը։
«Արդյունքը բռնությունն է, խոշտանգումներ և անմարդկային վերաբերմունք, որը հանգեցնում է մարդկանց մահվան»,- ասել է նա։
Պատասխանելով Եկատերինբուրգում տեղի ունեցած իրադարձությունների մասին հարցին, որոնց արդյունքում սպանվել և վիրավորվել են ադրբեջանցիներ, Հիփերը նշել է, որ Ռուսաստանի ուժայինների կողմից էթնիկ ադրբեջանցիների նկատմամբ բռնության, խոշտանգումների և անմարդկային վերաբերմունքի մասին հաղորդագրությունների վերաբերյալ մտահոգություններն ավելի վաղ հայտնել է Ադրբեջանում ԵՄ դեսպան Պետեր Միխալկոն։ Նրա խոսքով՝ դա լիովին համընկնում է ԵՄ պաշտոնական դիրքորոշման հետ։
«Ես խորապես մտահոգված եմ Ռուսաստանում էթնիկ ադրբեջանցիների նկատմամբ բռնության, խոշտանգումների և անմարդկային վերաբերմունքի հաղորդումներից, որոնք հանգեցրել են մահվան դեպքերի»,- նշել էր Միխալկոն։
Ադրբեջանի և Ռուսաստանի հարաբերությունները սրվել են այն բանից հետո, երբ հունիսի 27-ին Եկատերինբուրգում ձերբակալվեցին ադրբեջանական ծագում ունեցող ավելի քան 50 անձինք։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։ Եվս երեք մարդ տեղափոխվել է վերակենդանացման բաժանմունք։
Բաքուն պահանջել է պատասխանատվության ենթարկել մեղավորներին, իսկ Ադրբեջանի արտաքին գործերի նախարարությունը «խիստ բողոք» է հայտնել Ռուսաստանի դեսպանին։
Ադրբեջանի Գլխավոր դատախազությունը քրեական գործ է հարուցել Ռուսաստանի անվտանգության ուժերի կողմից իր քաղաքացիների խոշտանգումների և սպանության փաստով։ Ի պատասխան՝ Ադրբեջանի իշխանությունները սկսել են նաև ձերբակալել երկրում Ռուսաստանի քաղաքացիների։
Թարգմանությունը՝ Էմմա Չոբանյանի
