24.06.2026 | 11:49
ԵՄ աջակցությամբ կմշակվեն Ախուրիկ-Կայան և Մարգարա-Կայան ճանապարհային նախագծերը․ հուշագիր է ստորագրվել
Թրամփն ու Զելենսկին հեռախոսազրույց են ունեցել
Քաղաքականություն
04.07.2025 | 18:27
ԱՄՆ նախագահ Դոնալդ Թրամփը և Ուկրաինայի նախագահ Վլադիմիր Զելենսկին հեռախոսազրույց են ունեցել։
«Նախագահների միջև շատ կարևոր և իմաստալից զրույց։ Բոլոր մանրամասները՝ շատ շուտով»,- տելեգրամի իր ալիքում գրել է Ուկրաինայի նախագահի գրասենյակի ղեկավար Անդրեյ Երմակը։
«Նախագահ Թրամփն այսօր առավոտյան զրուցել է Ուկրաինայի նախագահ Զելենսկու հետ։ Ծանոթ աղբյուրը նշել է, որ դա «լավ զրույց» է եղել»,- այս մասին էլ հայտնել է Axios-ի լրագրող Բարաք Ռավիդը X-ի իր միկրոբլոգում՝ վկայակոչելով իր աղբյուրին։
Նա նշել է, որ զրույցը տևել է մոտ 40 րոպե։ Աղբյուրի տվյալներով՝ Դոնալդ Թրամփը և Վլադիմիր Զելենսկին քննարկել են Ուկրաինայի վրա ռուսական հարվածների ինտենսիվացումը և Կիևին ՀՕՊ համակարգերի մատակարարումը։
ԱՄՆ նախագահ Դոնալդ Թրամփը նախօրեին հեռախոսազրույց էր նաև Ռուսաստանի նախագահ Վլադիմիր Պուտինի հետ։ Թրամփն ասել էր, որ «շատ հիասթափված է» Պուտինի հետ զրույցից։
Թարգմանությունը՝ Էմմա Չոբանյանի
