22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ինչո՞ւ Սյունիքի մարզպետի պաշտոնում նշանակվեց Հունան Պողոսյանը․ Նիկոլ Փաշինյանն այդ նշանակման մասին․ ՏԵՍԱՆՅՈՒԹ
Քաղաքականություն
16.10.2018 | 11:58
Երևանի քաղաքապետի երդմնակալության օրն ունեցած իմ ելույթում ես ուրվագծեցի հետհեղափոխական ժամանակների վերաբերյալ մեր ունեցած տրամաբանությունը և նշեցի, որ պետք է ավարտած համարել ոչ բռնի, թավշյա հեղափոխությունը, և ժողովրդի ներուժը ներգրավվել ՀՀ զարգացման գործում։
Այս իմաստով ես շատ կարևոր եմ համարում, որ երկրում տեղի ունեցած հեղափոխության արդյունքում որևէ մեկն իր կյանքն ավարտված չհամարի ՀՀ-ում, քանի որ մենք թույլ չպետք է տանք քաղաքական ռասիզմ։
Այս մասին այսօր Կառավարության արտահերթ նիստի ժամանակ, խոսելով Սյունիքի մարզպետի պաշտոնում Հունան Պողոսյանի նշանակման մասին, ասաց վարչապետ Նիկոլ Փաշինյանը։
Վարչապետը նշեց, որ իր ղեկավարած Կառավարությունում էլ կան նախորդ իշխանությունների հետ առնչություն ունեցող պաշտոնյաներ, կառավարման համակարգը 90 տոկոսով մնացել է նույնը, սակայն կա և՛ բարիկադներ կառուցելու, և՛ այդ բարիկադները քանդելու ժամանակը, իսկ այժմ իսկապես համախմբվելու ժամանակն է։
«Այս տրամաբանությունը չի նշանակում ինդուրգենցիա որևէ մեկի հասցեին։ Մենք ասել ենք, որ ՀՀ-ում բոլորը հավասար են օրենքի առաջ։ Մեզանից որևէ մեկը՝ գործող կամ չգործող պաշտոնյա, ՀՀ-ում անձեռնմխելի չէ, և մեզանից որևէ մեկի պաշտոնավարումը, նշանակված կամ ազատված լինելը, չի կարող դիտարկվել որպես խոցելիություն օրենքի առաջ»,- ասաց վարչապետը։
Մանրամասները՝ տեսանյութում։
