17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Զախարովան՝ Ադրբեջանում ռուսալեզու դպրոցները փակելու և ՌԴ-ին շովինիզմի մեջ մեղադրելու հայտարարությունների մասին
Քաղաքականություն
02.07.2025 | 21:03
Ադրբեջանի պետական AZ TV հեռուստաալիքի նյութը, որտեղ Ռուսաստանը մեղադրվում է կայսերական քաղաքականության և շովինիզմի մեջ, «զզվելի սուտ է»։ Այս մասին ամենշաբաթյա ճեպազրույցում հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Ինձ թվում է, որ սա ամենազզվելի սուտն է, որ մեր երկրում որոշ փուլում, ինչ-որ տեղ եղել է մարդկանց դասակարգերով վերաբերվելու քաղաքականություն։ Մենք միշտ պայքարել ենք դրա դեմ»,- ասել է նա։
Զախարովան անդրադարձել է նաև Ադրբեջանում ռուսալեզու դպրոցների փակման մասին ադրբեջանական լրատվամիջոցներում տարածվող տեղեկություններին։
«Մենք տեսել ենք որոշ լրատվամիջոցներում հրապարակումներ այն մասին, որ, իբր, Ադրբեջանում նախատեսվում է փակել ռուսալեզու դպրոցները։ Որոշ ժամանակ անց, հաշվի առնելով անմիջապես առաջացած հսկայական թվով հարցերը, Ադրբեջանի կրթության նախարարությունը հերքել է այդ տեղեկատվությունը։ Մենք ուշադիր հետևում ենք իրավիճակին և այս հարցի շուրջ մշտական կապի մեջ ենք ադրբեջանական կողմի հետ»,- ասել է նա՝ նշելով, որ հերքումը հրապարակվել է «չափազանց ժամանակին», քանի որ «խոսում են ոչ միայն քաղաքական կամ փիլիսոփայական երևույթի մասին, դրանք կոնկրետ մարդկանց ճակատագրեր են»։
Հիշեցնենք, որ Բաքվի և Մոսկվայի միջև հարաբերությունների լարվածության ֆոնին Ադրբեջանում տեղեկություններ են շրջանառվում, որ ռուսալեզու դպրոցները փակվելու են։
Թարգմանությունը՝ Էմմա Չոբանյանի
