07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Ոտքի վրա քննարկվող օրենք եք բերել, որը կպնելու է քաղաքացու գրպանին․ Գեղամ Մանուկյանը՝ փոխնախարարին․ ՏԵՍԱՆՅՈՒԹ
Քաղաքականություն
01.07.2025 | 11:27
«Ռազմավարական մի ոլորտ, որը վերաբերում է ՀՀ յուրաքանչյուր քաղաքացու, որը կպնելու է յուրաքանչյուր քաղաքացու գրպանին, ընտանիքին, այդպես ոտքի վրա, 3 ժամյա ռեժիմով բերել, քննարկել մի օրենք, որը վերաբերելու է և՛ ներդրումային ոլորտին, և՛ կառավարման ոլորտին, և՛ նման ռազմավարական նշանակության ոլորտին, ինչպիսին էներգետիկայի ոլորտն է»,- ԱԺ արտահերթ նիստում հարցադրում արեց «Հայաստան» խմբակցության պատգամավոր Գեղամ Մանուկյանը՝ դիմելով ՏԿԵ նախարարի տեղակալ Արմեն Սիմոնյանին, որն ԱԺ-ում ներկայացնում էր ՀԷՑ-ի պետականացումն իրականացնելու նպատակով շրջանառության մեջ դրած օրենսդրական փոփոխությունները։
Ի պատասխան ՏԿԵ փոխնախարարն էլ նշեց, թե քննարկումները կիրականացվեն հանձնաժողովի նիստի ժամանակ։
Նշենք, որ Կառավարությունը ՀԷՑ-ը պետականացնելու նպատակով շրջանառության մեջ դրած օրենսդրական փոփոխությունների վերաբերյալ 8 էջանոց եզրակացություն է տվել՝ արձանագրելով, որ նախագիծը լրամշակման կարիք ունի։
Անդրադառնալով կառավարության այս եզրակացությանը՝ ընդդիմադիր պատգամավոր Գեղամ Մանուկյանը փոխնախարարին հարցրեց․ «Ինչպե՞ս եք պատկերացնում՝ առաջինից երկրորդ ընթերցման ժամանա՞կ է լրամշակում լինելու, թե ուղղակի օրակարգից հանվելու է, առանձին լրամշակվի և նոր բերվի»։
Մանրամասները՝ տեսանյութում։
Մանյա Պողոսյան
