25.06.2026 | 12:57
Ռումինիայի Պատգամավորների պալատն առանց քվեարկության հաստատել է Մոլդովայի հետ միավորման մասին օրինագիծն ու ուղարկել Սենատ
Անհրաժեշտ է միջազգային հանրության աջակցությունը, որ Հայաստանը և Ադրբեջանն օր առաջ ստորագրեն փաստաթուղթն առանց նախապայմանների. Արթուր Հովհաննիսյան
Քաղաքականություն
30.06.2025 | 18:51
ԵԱՀԿ ԽՎ-ում ՀՀ ԱԺ պատվիրակության անդամ Արթուր Հովհաննիսյանը ելույթ է ունեցել Պորտուգալիայում ընթացող ԵԱՀԿ ԽՎ տարեկան 32-րդ նստաշրջանում՝ նշելով, որ անհրաժեշտ է միջազգային հանրության աջակցությունը, որ Հայաստանը եւ Ադրբեջանն օր առաջ ստորագրեն փաստաթուղթն առանց նախապայմանների։
ԱԺ մամուլի ծառայության փոխանցմամբ՝ ՀՀ ԱԺ պատվիրակը նշել է.
«Նախ ցանկանում եմ շնորհակալություն հայտնել զեկույցի համար: Ակնհայտ է, որ ծավալուն աշխատանք է կատարվել:
Վիեննայում մեր նախորդ հանդիպումից հետո Հայաստանը եւ Ադրբեջանը մեծ ու կարեւոր քայլ են արել խաղաղություն հաստատելու համար:
Համաձայնեցվել է Հայաստանի եւ Ադրբեջանի միջեւ խաղաղության եւ միջպետական հարաբերություններ հաստատելու մասին համաձայնագիրը:
Այս իրավիճակում չկա անհրաժեշտություն ծանրաբեռնելու առանց այդ էլ բարդ քննարկումները:
Անհրաժեշտ է միջազգային հանրության աջակցությունը, որպեսզի Հայաստանը եւ Ադրբեջանն օր առաջ ստորագրեն փաստաթուղթն առանց նախապայմանների: Հայաստանի ղեկավարը ոչ մեկ անգամ հրապարակային հայտնել է իր պատրաստակամության մասին:
Փաստաթղթի ստորագրումը կնշանակի միջպետական հարաբերությունների հաստատում, ինչն իր հերթին հնարավորություն կտա առավել դրական մթնոլորտում քննարկելու տարաբնույթ հարցեր:
Վերջին երեք տասնամյակների ընթացքում Հարավային Կովկասի ժողովուրդները շատ են տառապել, եւ այժմ մենք հնարավորություն ունենք դադարեցնելու հակամարտությունների եւ մեր երկրների բնակիչների տառապանքների շղթան:
Խաղաղությունն անհրաժեշտություն է մեր ժողովուրդների իրավունքների պաշտպանության եւ բարեկեցության համար, եւ մենք տեսնում ենք այդ հնարավորությունն առավել քան երբեւէ»:
