14.06.2026 | 18:15
Ռոբերտ Քոչարյանը եռօրյա այցով մեկնում է Հայաստանից
Խլո՞ւմ են բիզնեսը, թե՞ գործում օրենքի տառով. ՀԷՑ-ի պետականացման նախագիծը կքննարկվի ԱԺ արտահերթում․ ՏԵՍԱՆՅՈՒԹ
Քաղաքականություն
30.06.2025 | 20:30
ՀԷՑ-ի պետականացմանն ուղղված օրենսդրական փոփոխությունների նախագիծը կքննարկվի վաղը մեկնարկող ԱԺ արտահերթ նստաշրջանում։ Քննարկմանն ընդառաջ այսօր ասուլիս էր հրավիրել ՀԷՑ-ի գլխավոր տնօրենի տեղակալը։
Նախագիծը շրջանառության մեջ է դրել իշխող «Քաղաքացիական պայմանագիր» խմբակցությունը։ Դրանով փոփոխություն է առաջարկվում «Էներգետիկայի մասին» և «Հանրային ծառայությունները կարգավորող մարմնի մասին» օրենքներում։
«Կառավարության լիազոր մարմնի հաղորդման առկայության դեպքում, որով առերևույթ հիմնավորվում է, որ վտանգվել է կամ կարող է վտանգվել Էներգետիկայի բնագավառի բաղկացուցիչ համակարգի անվտանգությունը կամ հուսալիությունը, կամ հավանական խախտումը հանգեցրել է կամ կարող է հանգեցնել մի խումբ սպառողների իրավունքների կամ օրինական շահերի խախտման կամ լիցենզիայի պայմանների կոպիտ խախտման, Հանձնաժողովի նախագահի նախաձեռնությամբ հինգօրյա ժամկետում հարուցվում է վարչական վարույթ: Այն հարուցելու մասին որոշմամբ կարող են կիրառվել օրենքով սահմանված կանխարգելիչ միջոցառումներ»,- ասվում է օրինագծում։
ՀԷՑ ներկայացուցիչը պնդում է՝ շուրջ 10 տարի առաջ, երբ ցանցերն անցան «Տաշիր» ընկերությունների խմբին, իրավիճակը շատ ծանր էր։
Վարչապետն այս գործընթացի մասին ակտիվ սկսեց խոսել, երբ ՀԷՑ-ի սեփականատեր Սամվել Կարապետյանը հայտարարեց, որ եկեղեցու նկատմամբ հարձակումները կանխելու գործում, հնարավոր է, «ինքն էլ իր ձևերով մասնակցի»։ Օրեր անց Կարապետյանը կալանավորվեց, իսկ ՀԷՑ-ի պետականացման նախագիծը դրվեց շրջանառության մեջ։
Չնայած Դավիթ Ղազինյանի կողմից այսօրվա ասուլիսին հնչեցրած գնահատականներին՝ Փաշինյանի թիմակից Արսեն Թորոսյանն ընդգծում է՝ նախագիծն իրավական առումով առավել քան հիմնավոր է։
Թեև արդեն 4 օր է՝ նախագիծը շրջանառության մեջ է դրված, սակայն, ՀԷՑ փոխտնօրենի խոսքով, իրենց հետ որևէ քննարկում տեղի չի ունեցել։
Արդյո՞ք սա մասնավոր բիզնեսը խլելու փորձ է, էկոնոմիկայի նախարար Գևորգ Պապոյանը կտրուկ հերքում է։ Իսկ որքանո՞վ են կապակցված Սամվել Կարապետյանի և ՀԷՑ-ի շուրջ զարգացումները աղմկահարույց հարցազրույցի հետ, արդյո՞ք եթե Կարապետյանի հայտարարությունները չլինեին, իշխանությունը ՀԷՑ-ը կտաներ պետականացման։ Ի վերջո, ի՞նչ մեխանիզմով է տեղի ունենալու ՀԷՑ-ի ազգայնացումը, իշխող ուժը դեռևս փակագծերը չի բացում։ Այս հարցերի պատասխանը կտրվի վաղը մեկնարկող ԱԺ արտահերթի ընթացքում։
Մանրամասները՝ տեսանյութում։
Ռոզա Վարդանյան
