16.07.2026 | 20:50
Միացյալ Թագավորությունում ՀՀ դեսպանը հանդիպել է ՎԶԵԲ նախագահի հետ
ՀՀ-ում ԵՄ առաքելությունը Կայա Կալասին է ներկայացրել իր գործունեությունը․ ԼՈՒՍԱՆԿԱՐՆԵՐ
Քաղաքականություն
29.06.2025 | 21:23
Հայաստանում ԵՄ առաքելությունը (EUMA) Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասին է ներկայացրել առաքելության գործունեությունը և տեղում վերջին զարգացումները․ Հայաստանում ԵՄ առաքելությունն այս մասին տեղեկացրել է «Ֆեյսբուք»-ի իր էջում։
«ԵՄ առաքելության նպատակն է Հայաստանի և Ադրբեջանի միջև իրավիճակի կարգավորման ջանքերին աջակցելը։ Շնորհակալություն Կայա Կալլաս այցելության համար»,- ասված է հաղորդագրությունում։
Ավելի վաղ տեղեկացրել էինք, որ պաշտոնական այցով Հայաստան է ժամանել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը։ Նրան արդեն ընդունել է ՀՀ նախագահ Վահագն Խաչատուրյանը։
