16.02.2026 | 20:51
Ադրբեջանում կանանց համար զինվորական ծառայության ժամկետը 3 տարուց կկրճատվի մինչև 6 ամիս
Երևանում անցկացվեց երիտասարդ գեղասահորդների աշխարհի գավաթի խաղարկության յոթերորդ փուլի մրցաշարը
15.10.2018 | 17:29
Երեք տարի է, որ այցելուների առջև իր դռներն է բացել Իրինա Ռոդնինայի անվան Երևանի գեղասահքի մարզադպրոցը. փոխանցում է
ՀԱՕԿ լրատվական բաժինը:
Այնտեղ օրերս անցկացվեց երիտասարդ գեղասահորդների աշխարհի գավաթի խաղարկության 7-րդ փուլը: Մենասահորդների պայքարում հաղթեցին Ալեքսանդրա Տրուսովան /աղջիկներ, Ռուսաստան/ և Ադամ Սյաոֆիմ Ֆանը /տղաներ, ֆրանսիա/: Պարային զույգերի մրցությունում ուժեղագույնը Ալինա Ուշակովա – Մաքսիմ Նեկրասով երկյակն էր /Ռուսաստան/: Ի դեպ, տղաների մենասահքում ՌԴ-ն ներկայացրած ազգությամբ հայ Արթուր Դանիելյանը եզրափակեց լավագույն քառյակը:
Հայաստանը ներկայացրել էր հինգ մասնակիցներ /երկու աղջիկ, մեկ տղա և մեկ պարային զույգ/, որոնք մրցանակակիրների շարքում տեղ չգտան:
Եզրափակիչ փուլի մասնակիցները Երևանից մեկնեցին Կանադայի Վանկուվեր և իրենց ունակությունները կդրսևորեն աշխարհի գավաթի խաղարկության ութերորդ փուլի մրցաշարում:
Հավելենք, որ մրցումներին մասնակցեց 31 երկրի 87 պատվիրակ:
Նման ստուգատեսները զարկ կտան մեր երկրում մարզաձևի մասսայականացմանն ու առաջընթացին:
