29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
Պենտագոնի ղեկավարը պնդում է՝ Իրանին հարվածն արդյունավետ է եղել
Քաղաքականություն
27.06.2025 | 18:18
ԱՄՆ պաշտպանության նախարար Փիթ Հեգսեթը մամուլի ասուլիսում անդրադարձել է անցյալ շաբաթվա վերջին Իրանի վրա ԱՄՆ-ի հարվածներին, փոխանցում է CNN-ը։ Նա այդ հարվածները որակել է որպես «պատմական»։
Փիթ Հեգսեթը խստորեն քննադատել է լրատվամիջոցների կողմից շաբաթ օրը Իրանի միջուկային օբյեկտների ռմբակոծության ազդեցության վերաբերյալ հետախուզության նախնական գնահատականների լուսաբանումը։
«Հուսով եմ, որ թափված բոլոր թանաքներից հետո ձեր բոլոր լրատվամիջոցները ժամանակ կգտնեն պատշաճ կերպով ճանաչելու մայրցամաքային անվտանգության այս պատմական փոփոխությունը, որը փորձեցին անել այլ նախագահներ, խոսեցին այլ նախագահներ: Նախագահ Թրամփը դա իրականացրել է: Դա հսկայական գործ է»,- ասել է նա՝ քննադատելով լրատվամիջոցների հաղորդումները ԱՄՆ հետախուզության նախնական գնահատականի մասին, ըստ որի՝ հարվածը չի ոչնչացրել Իրանի միջուկային ծրագրի հիմնական բաղադրիչները, պարզապես մի քանի ամսով հետ է մղել։
Հարվածից հինգ օր անց Հեգսեթը նշել է, որ նախագահը «ստեղծել է պատերազմն ավարտելու պայմանները՝ ոչնչացնելով… ընտրեք բառը՝ լիովին ոչնչացնելով, ոչնչացնելով Իրանի միջուկային կարողությունները»։
Հավելենք, որ ավելի վաղ էլ ԿՀՎ-ի ղեկավարն էր հայտարարել է, որ ԱՄՆ-ի և Իսրայելի հարվածները «լուրջ վնաս» են հասցրել Իրանի միջուկային ծրագրին։
Թարգմանությունը՝ Էմմա Չոբանյանի
