07.03.2026 | 16:50
ՀՀ 10 քաղաքացի գտնվում է Բաղդադի մերձակայքում, ում հետ ՀՀ դեսպանությունը մշտական կապի մեջ է. ԱԳՆ
Իրենց տարածած նկարներից պարզվում է` զենքերը լիցենզիա ունեն, փամփուշտներն էլ կրակված են. Քրիստինե Վարդանյան. ՏԵՍԱՆՅՈՒԹ
Քաղաքականություն
25.06.2025 | 23:41
Պատգամավոր Քրիստինե Վարդանյանը լրագրողների հետ զրույցում անդրադարձել է այսօրվա խուզարկություններին՝ նշելով, որ իրենց տարածած նկարներից պարզվում է` զենքերը լիցենզիա ունեն, փամփուշտներն էլ կրակված են։
Մանրամասները՝ տեսանյութում։
Ավելի վաղ ՔԿ-ն դատարան է ներկայացրել ձերբակալված 16 անձանց մասով կալանքը որպես խափանման միջոց կիրառելու միջնորդությունները։
Հիշեցնենք՝ այսօր վաղ առավոտից խուզարկություններ են սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին իր կեցավայրից բերման էր ենթարկվել Գալստանյանը, ավելի ուշ հայտնի դարձավ, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Ըստ ՔԿ հաղորդագրության՝ «Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքերի առթիվ նախաձեռնված քրեական վարույթի շրջանակներում իրականացվել են ավելի քան 9 տասնյակ խուզարկություններ։ Արդյունքում հայտնաբերվել են նշված հանցագործություններին առնչվող, նախաքննությամբ ձեռք բերված տվյալները հաստատող առարկաներ և փաստաթղթեր:
