Բայրամովը Ադրբեջանում Իրանի նոր դեսպանի հետ տարածաշրջանում անվտանգության հարցեր է քննարկել

Ադրբեջանի արտաքին գործերի նախարար Ջեյհուն Բայրամովը Բաքվում ընդունել է Իրանի նոր դեսպան Մոջթաբա Դեմիրչիլին։ Ադրբեջանի ԱԳՆ հաղորդմամբ`հանդիպման ընթացքում իրանցի դիվանագետը Բայրամովին հանձնել է իր հավատարմագրերի պատճենները։

Հանդիպմանը քննարկվել են երկու երկրների միջև երկկողմ և բազմակողմ համագործակցության օրակարգը, տարածաշրջանում անվտանգության ակտուալ հարցերը, այդ թվում՝ իսրայելա-իրանական հակամարտությունը։

Ընդգծվել է, որ երկրների ղեկավարների միջև շփումները, այդ թվում՝ առկա քաղաքական երկխոսության և փոխադարձ հետաքրքրություն ներկայացնող հարցերի քննարկման կարևորությունը, նպաստում են Ադրբեջանի և Իրանի միջև բարեկամական հարաբերությունների զարգացման գործում համագործակցության ընդլայնմանը։

Վերահաստատվել է իսրայելա-իրանական հակամարտության վերաբերյալ Ադրբեջանի կողմից ցուցաբերված դիրքորոշումն ու մտահոգությունները։

Դեսպանին ցավակցություններ են փոխանցվել Իրանի Իսլամական Հանրապետության զինված ուժերի գլխավոր շտաբի պետի, այլ պաշտոնյաների և քաղաքացիների մահվան կապակցությամբ։ Նշվել է առկա խնդիրները երկխոսության և դիվանագիտական ​​միջոցներով՝ միջազգային իրավունքի նորմերին ու սկզբունքներին համապատասխան լուծելու կարևորությունը։

Հանդիպման ընթացքում նաև երախտագիտություն է հայտնվել ադրբեջանական կողմին՝ Իրանի և այլ երկրների քաղաքացիների՝ Ադրբեջանի ցամաքային սահմանով անցման պայմաններ ստեղծելու համար։

Թարգմանությունը` Էմմա Չոբանյանի