Իրանում Իսրայելի օգտին լրտեսության մեղադրանքով ձերբակալվել է ավելի քան 700 մարդ․ 6 մարդ մահապատժի է ենթարկվել

Իրանում ՝ Ուրմիայում կախաղան են բարձրացվել Իսրայելի  ​​հետախուզական գործակալության՝ «Մոսադի» օգտին լրտեսելու և երկիր մահափորձի համար նախատեսված սարքավորումներ մաքսանենգ ճանապարհով տեղափոխելու համար մեղադրվող երեք տղամարդիկ, գրում է Tasnim-ը։

Նշվում է, որ Էդրիս Աալին, Ազադ Շոջաեին և Ռասուլ Ահմադը մահապատժի են ենթարկվել չորեքշաբթի առավոտյան՝ մեղավոր ճանաչվելով մուհարեբի (Աստծո դեմ պատերազմ) և կոռուպցիայի մեջ՝ օտարերկրյա կառավարությունների հետ համագործակցելու և« սիոնիստական ​​ռեժիմի օգտին» լրտեսելու համար։

Նրանք մահապատժի են ենթարկվել Իրան մաքսանենգ սարքավորումներ տեղափոխելու համար, որոնք նախատեսված էին  գործիչների սպանության համար։ Պարզվել է, որ երեք տղամարդիկ կապի մեջ են եղել հարևան երկրներից մեկում գտնվող «Մոսադի» գլխավոր տարրերից մեկի հետ։

Բացի այդ՝ հաղորդվում է, որ Իրանը չորեքշաբթի օրը մահապատժի է ենթարկել ևս երեք բանտարկյալի, որոնք մեղադրվում են Իսրայելի օգտին լրտեսություն կատարելու մեջ։ Գրում է France 24-ը՝ վկայակոչելով իրանական պետական ​​IRNA լրատվական գործակալությանը։

Նրանք կախաղան բարձրացվել են Իրանի Արևմտյան Ադրբեջան նահանգի Ուրմիայի բանտում։ Նշվում է, որ տղամարդիկ մեղադրվում են երկիր «սպանության համար նախատեսված սարքավորումներ» ներմուծելու մեջ։ Պատերազմի ժամանակ լրտեսության համար կախաղան բարձրացրվածների ընդհանուր թիվը հասել է վեցի։

Իրանի հետախուզական ուժերը վերջին 12 օրվա ընթացքում  կալանավորել են ավելի քան 700 կասկածյալ իսրայելցի գործակալի՝ Իրանում Իսրայելի ռազմական արշավից հետո լրտեսական ցանցի ակտիվ  հետապնդման շրջանակներում։ Այս մասին  հաղորդել է  Fars լրատվական գործակալությունը։

Ձերբակալությունների մեծ մասը տեղի է ունեցել Քերմանշահում, Սպահանում, Խուզեստանում, Ֆարսում, Լորեստանում և Թեհրանում»։

Թարգմանությունը՝ Էմմա Չոբանյանի