06.10.2026 | 22:22
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Կրեմլը ողջունում է Իրանի և Իսրայելի միջև հրադադարը
Քաղաքականություն
24.06.2025 | 14:54
Ռուսաստանը ողջունում է Իրանի և Իսրայելի միջև հրադադարը, եթե այն իսկապես հաջողվել է ձեռք բերվել։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է BBC-ի ռուսական ծառայությունը։
«Եթե իսկապես հնարավոր է եղել հրադադարի հասնել, ապա դա կարելի է միայն ողջունել։ Սա այն է, ինչի վերաբերյալ Ռուսաստանը կոչ է արել այս հակամարտության հենց սկզբից։ Հետևաբար՝ սա կարելի է և պետք է ողջունվի։ Մենք հույս ունենք, որ սա կլինի կայուն հրադադար»,-ասել է Պեսկովը։
Հարցին՝ արդյոք Իրանի արտաքին գործերի նախարար Աբբաս Արաղչին նախորդ օրվա հանդիպման ժամանակ Ռուսաստանի նախագահ Վլադիմիր Պուտինին է փոխանցել Իրանի գերագույն առաջնորդ Ալի Խամենեիի գրավոր ուղերձը, Պեսկովը պատասխանել է.
«Որևէ գրավոր փաստաթուղթ չի եղել։ Այն, որ Իրանի ղեկավարության կողմից որոշակի, ասենք, ուղերձներ են եղել՝ այո՛, դա ճիշտ է»։
Հիշեցնենք, որ նախօրեին Պուտինը Կրեմլում ընդունել էր Իրանի ԱԳ նախարար Աբբաս Արաղչիին։
Թարգմանությունը՝ Էմմա Չոբանյանի
