07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
«Թեհրանի դեմ ագրեսիան որևէ հիմք չունի»․Պուտինն` Իրանի ԱԳ նախարարին
Քաղաքականություն
23.06.2025 | 16:47
Ռուսաստանի նախագահ Վլադիմիր Պուտինը Կրեմլում ընդունել է Իրանի արտաքին գործերի նախարար Աբբաս Արաղչիին։
Նա իր խոսքում նշել է, որ Իրանի դեմ «չհրահրված ագրեսիան» որևէ արդարացում չունի, փոխանցում է Ինտերֆաքսը։
«Իրանի դեմ բացարձակապես չհրահրված ագրեսիան որևէ հիմք կամ արդարացում չունի», – ասել է Պուտինը։
Նա նշել է, որ Արաղչին Ռուսաստան է այցելում «տարածաշրջանում և Իրանի շուրջ իրավիճակի կտրուկ սրման դժվարին ժամանակահատվածում»։ «Մեր դիրքորոշումը ներկայիս իրադարձությունների վերաբերյալ լավ հայտնի է, այն հստակորեն արտահայտված է, Ռուսաստանի անունից ձևակերպված է ԱԳՆ-ի կողմից։ Եվ դուք գիտեք այն դիրքորոշման մասին, որը մենք զբաղեցրել ենք ՄԱԿ-ի Անվտանգության խորհրդում», – ասել է Պուտինը։
ՌԴ նախագահը ընդգծել է, որ Մոսկվան ջանքեր է գործադրում Իրանի ժողովրդին օգնելու համար՝ կապված Մերձավոր Արևելքի ճգնաժամի սրման հետ։
«Մենք մեր կողմից ջանքեր ենք գործադրում Իրանի ժողովրդին օգնելու համար», -ասել է նա։
Աբբաս Արաղչին իր հերթին հայտարարել է․ «Ռուսաստանն այսօր պատմության և միջազգային իրավունքի ճիշտ կողմում է», – ասել է Իրանի ԱԳ նախարարը։
Նա հավելել է, որ Իրանը շնորհակալություն է հայտնում իր ռուս ընկերներին երկրի դեմ «ագրեսիվ գործողությունները խստորեն դատապարտելու» համար։
Ավելի վաղ Արաղչին հայտնել էր, որ Պուտինին ետ քննարկելու են «ընդհանուր սպառնալիքները»։
Թարգմանությունը՝ Էմմա Չոբանյանի
