29.04.2026 | 21:13
Մերցը պնդում է, որ Թրամփի հետ իր հարաբերությունները «մնում են լավ», չնայած ԱՄՆ նախագահի քննադատությանը
Իրանը պնդում է, որ իր բանակն է ստիպել Իսրայելին դադարեցնել հարձակումները
Քաղաքականություն
24.06.2025 | 14:46
Իրանի Ազգային անվտանգության գերագույն խորհրդի քարտուղարությունը հայտարարություն է տարածել Իսրայելի հետ հրադադարի հաստատման վերաբերյալ։
«Սիոնիստ թշնամու ագրեսիայից հետո Իրանի Իսլամական Հանրապետության զինված ուժերում ձեր քաջարի և անվեհեր որդիները արձագանքեցին Իսլամական հեղափոխության գերագույն առաջնորդի և գերագույն գլխավոր հրամանատարի հրամանին և պատասխանեցին օրինակելի քաջությամբ՝ ջախջախելով թշնամու բոլոր չարիքները, որոնցից վերջինը ամերիկյան «Ալ-Ուդիդ» բազան էր, ապա հրթիռային հարձակումների թիրախ դարձան ամբողջ օկուպացված տարածքները»,-ասվում է հայտարարության մեջ։
Նշվում է, որ «զգոնությունը, ժամանակին լինելը, դիմադրությունը, համերաշխությունն ու աննախադեպ միասնությունը ոչնչացրել են թշնամու հիմնական ռազմավարությունը և հնարավորություն են տվել իսլամի զինվորների դիմադրողականությանը և նրանց զարմանալի ուժին, որը կուտակվել է ստեղծագործական ու նորարարական պայքարի ու շարունակական հալածանքների տարիների ընթացքում, դրսևորվել 12-օրյա արյունալի պայքարի ընթացքում և ժամանակին ու համաչափ կերպով արձագանքել յուրաքանչյուր ագրեսիայի»։
Ըստ իրանական կողմի՝ «ազգի այս խորը և իմաստալից ըմբռնմանն ու վարքին ի պատասխան աստվածային պարգևը զինվորների ռազմավարությունն ու պայքարն էր, ինչպես նաև հաղթանակը և իմաստուն առաջնորդությունը, որը թշնամուն ստիպեց զղջալ պարտության համար և ընդունել այն, և միակողմանիորեն դադարեցնել ներխուժումը»։
«Հետևաբար, Իսլամական Իրանի մեծ և հերոսական ազգի ուշադրությանն է ներկայացվում, որ Իրանի Իսլամական Հանրապետության զինված ուժերը, թշնամիների խոսքերին չվստահելով և ձեռքերը ձգանին սեղմած, պատրաստ կլինեն վճռական և ցավալի պատասխան տալ թշնամու կողմից իրականացվող ցանկացած ագրեսիայի»,-ասվում է հայտարարության մեջ։
Հիշեցնենք, որ ավելի վաղ էլ Իսրայելը հայտարարել էր, որ համաձայնել է Իրանի հետ երկկողմանի հրադադարի ԱՄՆ առաջարկին, սակայն «խիստ կարձագանքի» հրադադարի ցանկացած խախտման։
Թարգմանությունը՝ Էմմա Չոբանյանի
