05.12.2025 | 23:01
Եվրոպական հանձնաժողովը 120 միլիոն եվրոյով տուգանել է Իլոն Մասկի X-ին
ՀԷՑ-ի պետականացման պլանը պատրաստ է․ շատ շուտով կմտնենք գործնական փուլ․ Փաշինյան
Քաղաքականություն
24.06.2025 | 11:44
ՀՀ վարչապետ Նիկոլ Փաշինյանը գրառմամբ տեղեկացրել է, որ ՀԷՑ-ի պետականացման պլանը պատրաստ է։
««Հայաստանի էլեկտրական ցանցեր» ՓԲԸ «Հայաստանի էլեկտրական ցանցեր» ՓԲԸ պետականացման պլանը պատրաստ է։ Շատ շուտով կմտնենք գործնական փուլ։
Պրոցեսները տեղի կունենան Հայաստանի Հանրապետության օրենսդրությանը համապատասխան»,- գրել է ՀՀ վարչապետը։
Հիշեցնենք, որ Փաշինյանն ասել էր, որ ՀԷՑ-ն իր գործունեության արդյունքում Հայաստանում գրեթե էներգետիկ ճգնաժամ է ստեղծել և հունիսի 21-ին լրանում է իր հանձնարարականի ժամկետը, ըստ որի՝ 1 ամսում կա՛մ պետք է ժողովրդին հասցված վնասը վերականգնելու մեխանիզմներ դրվեն, կա՛մ ՀԷՑ-ը պետք է ազգայնացվի, այսինքն՝ պետականացվի։ Թե ինչ մեխանիզմով է ընկերությունը պետականացվելու, վարչապետը չէր պարզաբանել։
Ապա հայտնի դարձավ, որ ՀԷՑ-ն ազգայնացնելու նախագիծ մուտք չի եղել ԱԺ-ի քարտուղարություն։
Հիշեցնենք նաև, որ «Հայաստանի էլեկտրական ցանցեր» ՓԲ ընկերության 100 % բաժնետոմսերը գրավադրված են միջազգային ֆինանսական կազմակերպություններում։ Այս գրավադրման գործարքին 2021 թվականի օգոստոսի 27-ին համաձայնություն է տվել ՀՀ կառավարությունը, իսկ օրեր անց՝ սեպտեմբերի 1-ին, Հանրային ծառայությունները կարգավորող հանձնաժողովը։ ՀԷՑ-ի բաժնետոմսերը գրավադրվել են Վերակառուցման և զարգացման եվրոպական բանկից մինչև 70 մլն դոլար, Ասիական զարգացման բանկից՝ մինչև 35 մլն դոլար, և Միջազգային ֆինանսական կորպորացիայից՝ մինչև 20 մլն դոլար վարկային միջոցներ ներգրավելու նպատակով, որպես ապահովման միջոց։
