25.08.2026 | 12:45
«Ալֆա» ջոկատն ուղղարկում եք երեք անչափահաս երեխաներով տուն, բոլորդ էլ գիտեք՝ ոչ մեկ չի փախնում․ ՏԵՍԱՆՅՈՒԹ
ՀԷՑ-ն ազգայնացնելու օրենքի նախագիծ ԱԺ-ում չկա․ Փաշինյանը շտապե՞լ է
Տնտեսություն
19.06.2025 | 15:30
ՀՀ վարչապետ Նիկոլ Փաշինյանը երեկ լրագրողների հետ ճեպազրույցում հայտարարեց, թե «Ազգային ժողովում արդեն կա ՀԷՑ-ն ազգայնացնելու և կից օրենքներում փոփոխությունների նախագիծ»։ Սակայն ԱԺ-ի կայքի ո՛չ տնտեսական հարցերի մշտական հանձնաժողովի, ո՛չ պետա-իրավական հարցերի մշտական հանձնաժողովի էջերում ՀԷՑ-ի վերաբերյալ որևէ օրենսդրական նախագիծ չգտանք։
ԱԺ քարտուղարությունից ևս Factor.am-ին պատասխանեցին, որ ՀԷՑ-ն ազգայնացնելու նախագիծ մուտք չի եղել քարտուղարություն։
Ստացվում է, եթե անգամ օրենսդրական նման փաթեթ կառավարությունից ուղարկվել է ԱԺ, ապա այն դեռևս տեղ չի հասել։
Նշենք, որ առայժմ հայտնի չէ, թե ինչ մեխանիզմով է պետականացվելու Սամվել Կարապետյանի ընտանիքին պատկանող «Հայաստանի էլեկտրական ցանցեր» ՓԲԸ-ն, առավել ևս, որ ընկերության բաժնետոմսերը գրավադրված են միջազգային ֆինանսական կազմակերպություններում։
Գայանե Խաչատրյան
