27.06.2026 | 14:14
Կարելի է քայլուղի բացել. Փաշինյանը ծանոթացել է Կիևյան կամրջի շինաշխատանքներին․ ՏԵՍԱՆՅՈՒԹ
Թրամփը Ալ-Ուդեյդի վրա հարձակումից հետո առաջին գրառումն է կատարել
Քաղաքականություն
23.06.2025 | 23:16
ԱՄՆ նախագահ Դոնալդ Թրամփն իր Truth Social սոցցանցում առաջին գրառումն է կատարել Կատարում ամերիկյան Ալ-Ուդեյդ ռազմակայանի վրա Իրանի հարձակումից հետո։
Նա չի մեկնաբանել իրանական հարվածը, սակայն քննադատել է «կեղծ լուրերը» և գրել, որ այն օբյեկտները, որոնց հարվածել են Իրանում, ամբողջությամբ ոչնչացվել են:
ԱՄՆ նախագահի այս խոսքերը վերաբերում են հանգստյան օրերին իրանական միջուկային օբյեկտներին հասցված ամերիկյան ավիահարվածին:
Հիշեցնենք՝ հունիսի լույս 22-ի գիշերը ԱՄՆ-ը հարվածներ է հասցրել Իրանի Նաթանզում, Ֆորդոյում և Սպահանում գտնվող միջուկային օբյեկտներին:
Դրան նախորդել էր Իսրայելի մեկշաբաթյա ռազմական գործողությունը, որը մեկնարկել էր հունիսի 13-ից։ Նպատակը Թեհրանի՝ միջուկային ծրագրի շուրջ աշխատանքի խաթարումն էր:
Ի պատասխան՝ Իրանը սկսել է հարվածներ հասցնել Իսրայելի տարածքին, իսկ ամերիկյան հարվածներից հետո այսօր երեկոյան հարձակվել է Կատարում գտնվող ԱՄՆ ռազմաբազայի վրա:
Հիշեցնենք, որ ավելի վաղ Կատարի իշխանությունները հայտնել էին, որ ԱՄՆ-ի վերահսկողության տակ գտնվող ռազմաբազան հասցրել են նախապես տարհանել։
Կատարը, ԱՄԷ-ն և Բահրեյնը, Իրաքը և Քուվեյթը փակել են իրենց օդային տարածքները:
