29.04.2026 | 14:33
Բաքվում Նիդերլանդների դեսպանը մեկնաբանել է երկրի խորհրդարանի կողմից Արցախի մասով ընդունված բանաձևը
ՑԱԽԱԼ-ը հայտնել է Իրանի արևմուտքում հրթիռների պահման վայրերին հարվածների մասին
Քաղաքականություն
23.06.2025 | 22:56
Իսրայելցի զինվորականները Իրանի արևմուտքում հարձակվել են հրթիռների և անօդաչու թռչող սարքերի պահեստների վրա: Այս մասին հայտնել է Իսրայելի պաշտպանության բանակը (ՑԱԽԱԼ):
«Մոտ 15 կործանիչներ մի շարք մասշտաբային հարվածներ են հասցրել Իրանի արևմուտքում։ Հարվածների թիրախները ներառել են ստորգետնյա ռազմական օբյեկտները և իրանական զինված ուժերի հրթիռների ու անօդաչու թռչող սարքերի պահեստը»,- ասվում է ՑԱԽԱԼ-ի Telegram-ի ալիքում արված հայտարարության մեջ:
Հիշեցնենք՝ հունիսի լույս 22-ի գիշերը ԱՄՆ-ը հարվածներ է հասցրել Իրանի Նաթանզում, Ֆորդոյում և Սպահանում գտնվող միջուկային օբյեկտներին:
Դրան նախորդել էր Իսրայելի մեկշաբաթյա ռազմական գործողությունը, որը մեկնարկել էր հունիսի 13-ից։ Նպատակը Թեհրանի՝ միջուկային ծրագրի շուրջ աշխատանքի խաթարումն էր:
Ի պատասխան՝ Իրանը սկսել է հարվածներ հասցնել Իսրայելի տարածքին, իսկ ամերիկյան հարվածներից հետո այսօր երեկոյան հարձակվել է Կատարում գտնվող ԱՄՆ ռազմաբազայի վրա:
Հիշեցնենք, որ ավելի վաղ Կատարի իշխանությունները հայտնել էին, որ ԱՄՆ-ի վերահսկողության տակ գտնվող ռազմաբազան հասցրել են նախապես տարհանել։
Կատարը, ԱՄԷ-ն և Բահրեյնը, Իրաքը և Քուվեյթը փակել են իրենց օդային տարածքները:
