16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մեծ Բրիտանիան, Ֆրանսիան և Գերմանիան կոչ են անում Իրանին հետագա քայլեր չձեռնարկել
Քաղաքականություն
22.06.2025 | 21:49
Մեծ Բրիտանիան, Ֆրանսիան և Գերմանիան կոչ են արել Իրանին չձեռնարկել հետագա գործողություններ, որոնք կարող են «ապակայունացնել» Մերձավոր Արևելքը, փոխանցում է BBC-ն։
Մեծ Բրիտանիայի վարչապետ Քիր Սթարմերը, Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցը համատեղ հայտարարությամբ ընդգծել են, որ իրենք «հաստատ ու հետևողականորեն հայտնել են, որ Իրանն իրավունք չունի ունենալու միջուկային զենք» և որ իրենք սատարում են Իսրայելի անվտանգությունը։
«Մեր նպատակն է մնում կանխել Իրանի միջուկային զենքի ձեռքբերումը»,-նշվում է հայտարարության մեջ։
Երկրների առաջնորդները կոչ են անում Իրանին «ներգրավվել բանակցություններում», նպատակ ունենալով կնքել մի համաձայնագիր, որը «կլուծի նրա միջուկային ծրագրի հետ կապված բոլոր խնդիրները»։
«Մենք պատրաստ ենք մեր ներդրումը բերել այդ նպատակին հասնելու համար՝ համագործակցելով բոլոր կողմերի հետ»,-նշվում է հայտարարությունում։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել է, որ ամերիկյան ավիացիան հարվածներ է հասցրել Իրանում գտնվող երեք միջուկային օբյեկտներին՝ Ֆորդոյում, Նաթանզում և Սպահանում։
Ամերիկայի նախագահը նաև ուղերձով է հանդես եկել։ Իր ելույթում, որը տևել է երեք րոպե, Թրամփն ասել է, որ Իրանի ապագան կամ խաղաղություն է, կամ ողբերգություն, և կան բազմաթիվ այլ թիրախներ, որոնք կարող են խոցվել ամերիկացի զինվորականների կողմից: Նա հայտարարել է, որ եթե խաղաղության գործընթացն արագ տեղի չունենա, ապա ԱՄՆ-ն այլ նպատակներ է հետապնդելու՝ ճշգրտությամբ, արագությամբ և հմտությամբ:
